سپریم کورٹ نے عاصم جاوید قتل کیس کی سماعت کے دوران تین ملزمان کو الزام ثابت نہ ہونے پر بری کر دیا

پوسٹ مارٹم اور پولیس رپورٹ میں موت کا وقت مختلف ہے، چیف جسٹس آصف سعید کھوسہ

منگل 22 جنوری 2019 15:51

سپریم کورٹ نے عاصم جاوید قتل کیس کی سماعت کے دوران تین ملزمان کو الزام ..

اسلام آباد (اُردو پوائنٹ اخبارتازہ ترین - این این آئی۔ 22 جنوری2019ء) سپریم کورٹ آف پاکستان نے عاصم جاوید قتل کیس کی سماعت کے دور ان تین ملزمان کو الزام ثابت نہ ہونے پر بری کر دیا۔ منگل کو چیف جسٹس کی سربراہی میں بینچ نے کیس کی سماعت کی ۔ سماعت کے دور ان بتایا گیا کہ ایف آئی آر کے مطابق مقتول عاصم جاوید کو واہ کینٹ سے 11 مارچ 2013 کو اغواء کیا گیا۔

ایف آئی آر کے مطابق 12 مارچ کو مقتول کی لاش ملی۔ ایف آئی آر میں الزام لگایا اکہ مقتول کو تاوان کیلئے اغواء کیا گیا تھا۔ چیف جسٹس آصف سعید کھوسہ نے کہاکہ سو سال سے بار بار کہا جا رہا ہے کہ ملزمان سے مشترکہ برآمدگی قابل قبول شہادت نہیں ہے۔ چیف جسٹس آصف سعید کھوسہ نے کہا کہ تینوں ملزمان سے بیک وقت لاش برآمد کروائی گئی۔

(جاری ہے)

چیف جسٹس آصف سعید کھوسہ نے کہاکہ قانون شہادت کے اس اصول کی خبر اب تک پولیس کو کیوں نہیں پہنچی۔

چیف جسٹس آصف سعید کھوسہ نے کہاکہ پوسٹ مارٹم اور پولیس رپورٹ میں موت کا وقت مختلف ہے۔ چیف جسٹس آصف سعید کھوسہ نے کہاکہ جس سے تمام شہادتیں غیر مؤثر ہو گئی ہیں۔ چیف جسٹس آصف سعید کھوسہ نے کہاکہ مقتول کس کے ہاتھوں قتل ہوا عینی گواہ موجود نہیں۔ چیف جسٹس آصف سعید کھوسہ نے کہاکہ استغاثہ کیس کی ان کمزوریوں کی وجہ سے تین ملزمان بری ہوئے۔ عدالت نے کہاکہ انہی وجوہات کی بناء پر ہائیکورٹ کے فیصلے کے خلاف اپیل مسترد کی جاتی ہے۔