آرمی چیف جنرل قمر جاوید باجوہ سے اقوام متحدہ جنرل اسمبلی کی صدر ماریا فرنینڈا کی ملاقات باہمی دلچسپی کے امور اور خطے کی سکیورٹی صورتحال پر تبادلہ خیال کیا گیا

منگل 22 جنوری 2019 18:50

راولپنڈی ۔ (اُردو پوائنٹ اخبارتازہ ترین - اے پی پی۔ 22 جنوری2019ء) پاک فوج کے سربراہ جنرل قمر جاوید باجوہ سے اقوام متحدہ جنرل اسمبلی کی صدر ماریا فرنینڈا نے ملاقات کی جس میں باہمی دلچسپی کے امور اور خطے کی سکیورٹی صورتحال پر تبادلہ خیال کیا گیا۔

(جاری ہے)

پاک فوج کے شعبہ تعلقات عامہ(آئی ایس پی آر) کے مطابق جنرل اسمبلی کی صدر ماریا فرنینڈا نے اس موقع پر کہا کہ اقوام متحدہ خطے میں مسائل کے حل میں پاکستانی کردار کو قدر کی نگاہ سے دیکھتا ہے اور دہشت گردی کیخلاف جنگ میں پاکستان کے کردار کو اہمیت دیتا ہے۔

ماریا فرنینڈا نے کہا کہ جنگ زدہ علاقوں میں قیام امن کے لیے پاک فوج کا اقوام متحدہ سے تعاون قابل تعریف ہے۔ آرمی چیف جنرل قمر جاوید باجوہ نے اقوام متحدہ کے تحت پاکستان کے کردار کو تسلیم کرنے پر معزز مہمان کا شکریہ ادا کیا۔