سکھر پولیس کی جانب سے جرائم پیشہ اور سماجی برائیوں میں ملوث افراد کے خلاف کریک ڈاؤن جاری

منگل 22 جنوری 2019 19:30

سکھر۔22جنوری(اُردو پوائنٹ اخبارتازہ ترین - اے پی پی۔ 22 جنوری2019ء) سکھر پولیس کی جانب سے جرائم پیشہ اور سماجی برائیوں میں ملوث افراد کے خلاف کریک ڈاؤن جاری ہے، جوا ڈیلر منشیات فروش سمیت 2 ملزمان گرفتار، مقدمات درج مسروقہ ٹریکٹر، چرس سمیت دیگر سامان برآمدکر لیا گیا، پولیس ترجمان کیمطابق سوسائٹی کے قریب اطلاع پہ پولیس کی کارروائی کے دوران جواری ڈیلر اکرم ملک کو گرفتار کرلیا گیا، ملزم سے لیپ ٹاپ کلکیولیٹر نقدی و دیگر سامان برآمد کر کے مقدمہ زیردفعہ 5A کے تحت درج کیا گیا ہے، جھانگڑو پولیس نے منشیات کی اسمگلنگ ناکام بنادی منشیات سے بھری کار برآمد، پولیس ترجمان کیمطابق جھانگڑو پولیس کی دوران ناکہ بندی ٹول پلازہ کے قریب کاروائی کے دوران منشیات اسمگلر گلزار میرانی کو گرفتار کرلیا ،ملزم کے قبضہ سے چرس برآمد مقدمہ تھانہ جھانگڑو میں درج کرلیا گیا،کندھرا پولیس کی آدھی ٹکری، قادر بخش قبہ کے قریب دوران ناکہ بندی کاروائی اسلم گھناگرو کا مسروقہ ٹریکٹر برآمد کرلیا ،ملزمان موقع سے فرار ہو گئے جن کی گرفتاری کیلئے پولیس کے چھاپے جاری ہیں، برآمد شدہ مسروقہ ٹریکٹر مالک اسلم کے حوالے کردیا گیا،مالک نے ایس ایس پی سکھر سے مسروقہ ٹریکٹر برآمدگی پر اظہار تشکر کیا ہے