سلمان خان نے بھارتی جاسوس بننے کیلئے تیاری کرلی

یہ فلم 2019ء میں عید کے موقع پر سنیما گھروں کی زینت بنے گی

جمعہ 8 فروری 2019 11:51

سلمان خان نے بھارتی جاسوس بننے کیلئے تیاری کرلی

ممبئی(اُردو پوائنٹ اخبارتازہ ترین - این این آئی۔ 08 فروری2019ء) بالی ووڈ کے دبنگ اداکار سلمان خان نے آنے والی فلم میں ایک بار پھر بھارتی جاسوس بننے کی تیاری کرلی۔بالی ووڈ سلطان سلمان خان فلم ’ایک تھا ٹائیگر‘ اور ‘’ٹائیگر زندہ ہے‘ کہ بعد ایک بار پھر جنوبی کورین تھرل فلم ’ویٹرن‘ کے بھارتی ری میک میں جاسوس کا کردار ادا کریں گے۔

(جاری ہے)

بھارتی میڈیا کے مطابق رئیل لائف پروڈکشن ہاؤس نے فلم ’ویٹرن‘ کے اس ریمیک کے تمام حقوق جنوبی کورین سی جے پروڈکشن ہاؤس سے حاصل کرلیے ہیں۔

ایکشن سے بھرپور اس فلم میں سلمان خان مرکزی کردار ادا کریں گے۔واضح رہے کہ سلمان خان ان دنوں علی عباس ظفر کی ہدایت کاری میں بننے والی فلم ’بھارت‘ کی شوٹنگ میں مصروف جس میں اٴْن کے ساتھ باربی ڈول کترینہ کیف کے علاوہ دیشا پٹانی، تبو، سنیل گروور بھی شامل ہیں یہ فلم 2019ء میں عید کے موقع پر سنیما گھروں کی زینت بنے گی۔