پاکستان اور ویسٹ انڈین ویمن ٹیموں کے درمیان دوسرا کرکٹ میچ آج کھیلا جائیگا

ویسٹ انڈین ٹیم کو تین میچوں کی سیریز میں پاکستان کے خلاف 1-0 کی برتری حاصل ہے، رپورٹ

جمعہ 8 فروری 2019 19:31

دبئی (اُردو پوائنٹ اخبارتازہ ترین - آن لائن۔ 08 فروری2019ء) پاکستان اور ویسٹ انڈیزکی خواتین کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا دوسرا میچ آج ہفتہ کو دبئی میں کھیلا جائیگا۔ ویسٹ انڈین ٹیم کو تین میچوں کی سیریز میں پاکستان کے خلاف 1-0 کی برتری حاصل ہے۔

(جاری ہے)

شیڈول کے مطابق دونوں ٹیموں کے درمیان تین ون ڈے میچوں کی سیریز کا تیسرا اور آخری میچ 11 فروری کو اسی مقام پر ہی کھیلا جائیگا۔ویسٹ انڈیز ٹیم نے پہلے ون ڈے میچ میں پاکستان ویمن ٹیم کو 146 رنز سے شکست دی تھی۔ اس سے قبل دونوں ٹیموں کے درمیان پاکستان میں کھیلی گئی تین ٹی ٹونٹی میچوں کی سیریز میں ویسٹ انڈیز ویمن ٹیم نے پاکستان کو 2-1 سے شکست دی تھی۔