مشق امن 2019 کی سرگرمیاں تیسرے دن جاری، چیف آف نیول اسٹاف کا غیر ملکی بحری جہازوں کا دورہ-
آٹھویں بین الاقوامی میری ٹائم کانفرنس 2019 کے دوسرے روز کے مختلف سیشنز میں میری ٹائم سیکیورٹی چیلنجز اور مواقع کا موضوع زیرِ بحث رہا
اتوار 10 فروری 2019 21:00
(جاری ہے)
نیول چیف نے مزید کہا کہ یہاں بننے والے دوستانہ تعلقات مستقبل میں مزید مستحکم ہوں گے اور علاقائی امن و ترقی کے مشترکہ حدف کے حصول کے لیے ہمیں قریب لائیں گے۔
انھوں نے مشق امن میں شرکت اور" امن کے لیے متحد-" کے مشترکہ عزم میں ساتھ دینے پر تمام شرکاء کا شکریہ ادا کیا۔ ایڈمرل ظفر محمود عباّسی نے اپنے دوروں کے دوران بین الاقوامی میڈیا نمائندگان سے ملاقات بھی کی اور اُن کے سوالوں کے جوابات دیئے۔متعلقہ بحری جہازوں کے سینئر کمانڈنگ افسران نے بحری امن، استحکام اور سمندر میں قانون کی عملداری یقینی بنانے کے لیے بین الاقوامی بحری افواج کو ایک پلیٹ فارم پر جمع کرنے کے لئے پاک بحریہ کی انتھک کاوشوں کو سراہا۔چیف آف دی نیول اسٹاف نے شریک جہازوں کے عملے سے غیر رسمی ملاقاتیں بھی کیں اور ان کی پیشہ ورانہ صلاحیتوں اور عزم کو سراہا۔دن کی دیگر مصروفیات کے دوران کمانڈر زمبابوے نیشنل آرمی جنرل ایڈزائی ابسولم چینو کا چمونیو نے مزار-قائد پر حاضری دی اور پھولوں کی چادر چڑھائی۔ اُنھوں نے جوائنٹ میری ٹائم انفارمیشن کوآرڈینیشن سینٹر، پاکستان نیول اکیڈمی اور پاکستان بحریہ کے جہاز شمشیر کا دورہ بھی کیا۔ رومانیہ کے بحری فوج کے سر براہ وائس ایڈمرل الیگزینڈر ومرسو پی ایچ ڈی نے پاک بحریہ کے جہاز سیف کا دورہ کیا اور کمانڈر پاکستان فلیٹ وائس ایڈمرل محمد امجد خان نیازی سے ملاقات کی۔ آٹھویں بین الاقوامی میری ٹائم کانفرنس 2019 کے دوسرے روز کے مختلف سیشنز میں میری ٹائم سیکیورٹی چیلنجز اور مواقع کا موضوع زیرِ بحث رہا۔پہلے اور دوسرے سیشن میں وائس چیف آف دی نیول اسٹاف وائس ایڈمرل کلیم شوکت اور سربراہ پاکستان انسٹیٹیوٹ برائے بین الاقوامی تعلقات ڈاکٹر معصومہ حسن نے شرکت کی جبکہ لیفٹیننٹ جنرل افگن تاغیو ویلی چیف آف کوسٹ گارڈ اسٹیٹ بارڈر سروس آذربائیجان اور رومانیہ کی بحری فوج کے چیف ،وائس ایڈمرل الیگزینڈرومرسو پی ایچ ڈی نے کانفرنس میں اعزازی مہمان کے طور پر شرکت کی۔ شریک ممالک اور پاک بحریہ کے افسران اور جوانوں کے درمیان دوستانہ کھیلوں کے میچز بھی منعقد کئے گئے۔شریک ممالک کی مختلف ثقافتوں کو جاننے کا موقع فراہم کرنے کی خاطر افسران اور جوانوں کے لئے ایک بین الاقوامی فوڈ گالا اور ثقافتی شو بھی منعقد کیا گیاجس میں مختلف ممالک کے روائتی کھانوں کے فوڈ اسٹال لگائے گئے اور ثقافتی اشیاء نمائش کے لئے رکھی گئیں۔ اس موقع پر وزیراعلیٰ سندھ سید مُراد علی شاہ مہمانِ خصوصی تھے۔ شریک بحری افواج، مندوبین، غیرملکی سفراء اور مسلح افواج کے سینئیر افسران نے بھی اس تقریب میں شرکت کی۔مزید قومی خبریں
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
-
صوبائی وزیر صحت کی زیر صدارت فاطمہ جناح میڈیکل یونیورسٹی کا سینڈیکیٹ اجلاس
-
اٹک کے نواحی علاقہ میں پب جی گیم نے دوست کے ہاتھوں دوست کو قتل کر وادیا
-
کراچی، دوست کے ہاتھوں دوست کے قتل کی سی سی ٹی وی سامنے آگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.