اقرا یونیورسٹی اور کیلیفورنیا ساودرن یونیورسٹی امریکہ کے ما بین تعلیمی اشتراک کے معاہدے پر دستخط

موجودہ دور میں ٹیچرز ٹریننگ اعلیٰ تعلیم کا ایک ناگزیر جز بن چکی ہے، ڈاکٹر وسیم قاضی

پیر فروری 16:06

اقرا یونیورسٹی اور کیلیفورنیا ساودرن یونیورسٹی امریکہ کے ما بین تعلیمی ..
اسلام آباد (اُردو پوائنٹ اخبارتازہ ترین۔ 11 فروری2019ء) اقرا یونیورسٹی اور کیلیفورنیا ساودرن یونیورسٹی امریکہ کے ما بین تعلیمی اشتراک کے معاہدے پر دستخط کی تقریب گزشتہ روز ااقرا یونیورسٹی میں منعقد ہوئی۔

کیلیفورنیا ساودرن یونیورسٹی امریکہ کی جانب سے انیلاعلی جبکہ اقرا یونیورسٹی کی جانب سے رجسٹرار ڈاکٹر عرفان حمید نے معاہدے پر دستخط کئے۔

اس موقع پر یو ایس ایڈ پاکستان کے ڈپٹی مشن ڈائریکٹر جان اسمتھ ،اقرا یونیورسٹی کے وائس چانسلر پروفیسر ڈاکٹر وسیم قاضی اور اساتذہ بھی موجود تھے۔

یو ایس ایڈ پاکستان کے ڈپٹی مشن ڈائریکٹر جان اسمتھ نے اقرا یونیورسٹی میں طلبہ کو فراہم کی جانی والی بین الاقوامی معیار کی سہولیات پر تحسین کا اظہار کرتے ہوئے کہا کہ جامعہ آ کر خوشی محسوس ہورہی ہے اور بلا شبہ اقرا یونیورسٹی پاکستان کی صف اول کی جامعات میں سے ایک ہے ۔

(جاری ہے)


اس موقع پر ڈاکٹرو سیم قاضی نے کہا کہ اساتذہ قو م کا ایک انمول اثاثہ ہوتے ہیں ، ان کے ہاتھ میں قوم کے معماروں کا مستقبل ہوتا ہے۔

موجودہ دور میں ٹیچرز ٹریننگ اعلیٰ تعلیم کا ایک ناگزیر جز بن چکی ہے ، اسی ضرورت کو دیکھتے ہوئے اقرا یونیورسٹی نے مذکورہ معاہدہ کیا ہے جس میں اساتذہ کی تربیت کیلئے ڈپلومہ ان ہائر ایجوکیشن متعارف کرا یا جارہا ہے جس میں ہمارے اساتذہ دنیا کے بہترین بین الاقوامی اساتذہ سے تربیت حاصل کرینگے اور جدید تدریسی طریقہ کار پر بھی دسترس حاصل کر سکیں گے۔


دنیا روایتی طریقہ کارکو ترک کرکے جدید ٹیکنالوجی سے مزین طریقہ کار کی جانب بڑھ رہی ہے اور درس و تدریس میں بھی ٹیکنالوجی کے ثمرات اب واضح ہونا شروع ہو گئے ہیں۔