گائے بھارت کی ثقافت کا اہم حصہ ہے،وزیراعظم نریندرامودی

حکومت نے رشتریا کامدھینو آیوج کے قیام کے لیے 500 کروڑ روپے مختص کرنے کا فیصلہ کیا ہے،خطاب

منگل 12 فروری 2019 13:57

گائے بھارت کی ثقافت کا اہم حصہ ہے،وزیراعظم نریندرامودی

نئی دہلی(اُردو پوائنٹ اخبارتازہ ترین - این این آئی۔ 12 فروری2019ء) بھارتی وزیرِ اعظم نریندر مودی نے کہاہے کہ مویشی دیہی علاقوں کی معیشت کا اہم ترین جٴْز ہے اورگائے بھارت کی روایت اور ثقافت کا ایک اہم حصہ ہے۔حکومت نے رشتریا کامدھینو آیوج کے قیام کے لیے 500 کروڑ بھارتی روپے مختص کرنے کا فیصلہ کیا ہے۔

(جاری ہے)

بھارتی اخبار کے مطابق وزیر اعظم نریندر مودی نے گزشتہ روز ایک یونین بجٹ نامی تقریب میں شرکت کی، جہاں انہوں نے گفتگو کرتے ہوئے کہا کہ مویشی دیہی علاقوں کی معیشت کا اہم ترین جٴْز ہے ، بھارتی حکومت کو چاہییکہ مویشیوں کی صحت کو مزید بہتر بنانے کے لیے فوری اقدامات کیے جائیں نریندر مودی نے گائے کے دودھ کی اہمیت و افادیت بیان کرتے ہوئے مزید کہا کہ ہم (گاو ماتا ) یعنی گائے کے دودھ کا قرض کبھی بھی ادا نہیں کر سکتے، گائے ہماری ثقافت کاایک اہم حصہ ہے۔

مودی نے بھارتی حکومت پر زور دیا کہ وہ جلد از جلد رشتریا گوکول مشن کا آغاز کریں تاکہ مویشیوں کی صحت کو بہتر بنانے کے لیے مختلف اقدامات کیے جا سکیں۔یونین بجٹ کی تقریب میں گفتگو کرتے ہوئے بھارتی وزیرِ اعظم نے کہا کہ ان کی حکومت نے رشتریا کامدھینو آیوج کے قیام کے لیے 500 کروڑ بھارتی روپے مختص کرنے کا فیصلہ کیا ہے۔