سٹار اداکارہ صوبیہ خان کا شوبز میں واپسی کا اعلان

فلم ، ٹی وی اور ماڈلنگ کی دنیا میں واپس آرہی ہوں ،تھیٹر کرنے کا ارادہ نہیں ‘گفتگو

جمعرات 14 فروری 2019 13:16

سٹار اداکارہ صوبیہ خان کا شوبز میں واپسی کا اعلان

لاہور (اُردو پوائنٹ اخبارتازہ ترین - این این آئی۔ 14 فروری2019ء) فلم ،ٹی وی اور اسٹیج کی سٹار اداکارہ صوبیہ خان نے شوبز میں واپسی کا اعلان کردیا ۔ اس حوالے سے ’’این این آئی‘‘ سے خصوصی گفتگو کرتے ہوئے انہوں نے کہا کہ میں دوبارہ نئے جوش جذبے کے ساتھ فلم ، ٹی وی اور ماڈلنگ کی دنیا میں واپس آرہی ہوں تاہم ابھی تھیٹر کرنے کا ارادہ نہیں ہے ۔

(جاری ہے)

انہوںنے کہاکہ میں پچھلے چارہ ماہ سے آسڑیلیا میں تفریح کیلئے گئی ہوئی تھیں جہاں میں نے آسڑیلیا کے سیاحتی تاریخی مقامات دیکھنے کے ساتھ وہا ں کے پرفضا مقامات کی سیر بھی کی ۔

صوبیہ خان نے کہاکہ میں نے شوبز سے کنارہ کشی اختیار نہیں کی تھی اوراب میں عنقریب ایک نئے جوش اورولولے کے ساتھ دوبارہ سے فلم ، ٹی وی اور ماڈلنگ کی دنیا میں اپنا فن دکھانے واپس آرہی ہوں ۔ا نہوںنے ایک سوال کے جواب میں کہاکہ فی الوقت میں اسٹیج ڈرامہ نہیں کروں گی مگر میںنے اسٹیج ڈرامے کو ابھی خیر آباد نہیں کیا ۔