پاکستان کا سعودی شہریوں کیلئے ویزہ فیس میں نمایاں کمی کرنے کا فیصلہ

اسلام آباد (اردوپوائنٹ اخبارتازہ ترین۔ 14 فروری 2019ء) پاکستان کا سعودی شہریوں کیلئے ویزہ فیس میں نمایاں کمی کرنے کا فیصلہ، سعودی شہریوں کیلئے نئی ویزہ فیسوں کا اطلاق 15 فروری سے کر دیا جائے گا، سعودی عرب بھی پاکستانیوں کیلئے ویزہ فیس میں کمی کرنے کیلئے راضی ہوگیا۔ تفصیلات کے مطابق پاکستان اور سعودی عرب کے درمیان قائم برادرانہ تعلقات مزید سے مزید مضبوط تر ہوتے جا رہے ہیں۔

ایسے میں حکومت پاکستان کی جانب سے اہم فیصلہ کیا گیا ہے۔ حکومت پاکستان نے سعودی شہریوں کیلئے پاکستان کے ویزہ فیس میں نمایاں کمی کرنے کا فیصلہ کیا ہے۔ حکومت نے سعودی شہریوں کیلئے ویزہ فیس میں کمی کا فیصلہ فوری نافذ کرنے کا فیصلہ بھی کیا ہے۔ سعودی شہریوں کیلئے ویزہ فیس میں نمایاں کمی کرنے کا فیصلہ 15 فروری سے نافذ کر دیا جائے گا۔

(جاری ہے)

اس فیصلے کے باعث ناصرف پاکستان کی سیاحت میں اضافہ ہوگا، بلکہ سعودی عرب کے سرمایہ کار بھی بڑی تعداد میں پاکستان کا رخ کریں گے۔

دوسری جانب سعودی ولی عہد محمد بن سلمان کے دورہ پاکستان کے دوران سعودی حکومت نے پاکستانی شہریوں کے لیے ویزافیس میں کمی کا بھی فیصلہ کر لیا ہے۔ ویزا فیس میں کمی کا اطلاق 15 فروری سے متوقع ہے۔ موجودہ وزٹ ویزا فیس تقریباً 2000 سعودی ریال ہے۔ذرائع کے مطابق وزٹ ویزا فیس338 ، سنگل انٹری فیس338 اور ملٹی پل ویزافیس 675 ریال ہوگی جبکہ موجودہ وزٹ ویزا فیس تقریباً 2000 سعودی ریال ہے۔

دوسری جانب سعودی عرب کی حکومت نے پاکستان کو ای ویزہ کی سہولت دینے کا عندیہ بھی دیا ہے جس سے پاکستانی عازمین حج کو ویزہ انٹرنیٹ سے آن لائن دیا جاسکےگا۔اس کے علاوہ سعودی حکام سے کراچی کے جناح انٹرنیشنل ائیرپورٹ پر امیگریشن کاؤنٹر بنانے کی درخواست بھی کی جائے گی۔اس حوالے سے وفاقی وزیر برائے مذہبی امور کا کہنا تھا کہ سعودی ولی عہد محمد بن سلمان کے دورہ پاکستان کے موقع پر ان سے پاکستان کے حج کوٹہ میں اضافے کی بات بھی کریں گے۔

اس کے علاوہ روڈ ٹو مکہ منصوبہ کا سعودی حکومت کے ساتھ معاہدہ ہوگیا ہے، سعودی حکومت نے اس سال پاکستان کو روڈ ٹو مکہ منصوبے میں شامل کرلیا ہے، لاہور اور کراچی سے روڈ ٹو مکہ منصوبے کا آغازہوگا۔میڈیا رپورٹس کے مطابق اور سعودی عرب میں داخلے کے بعد حاجیوں کو پیش آنے والی مشکلات کے سدِ باب کے لیے حکومت نے سعودی حکام سے کراچی کے جناح انٹرنیشنل ایئرپورٹ پر امیگریشن کاؤنٹر بنانے کی درخواست بھی کی ہے۔

پاکستانی عازمین حج کو سعودی عرب میں سفری اور رہائشی سہولیات کے حوالے سے بھی سعودی ولی عہد محمد بن سلمان کے ساتھ تبادلہ خیال کیا جائے گا، جبکہ عمرہ ادائیگی کے لئے سعودی حکومت کی طرف سے عائد کیے گئے گئے دو ہزار ریال کے ٹیکس کی معافی کے بارے میں بھی سعودی ولی عہد سے خصوصی درخواست کی جائے گی۔