تعلیمی اداروں میں منشیات کابڑھتا ہوا استعمال پر اسلام آباد کے شہری راجہ صائم الحق ستی ایڈووکیٹ نے ہائی کورٹ سے رجوع کرلیا

جسٹس عامر فاروق نے درخواست جلد سماعت کیلئے مقرر کر نے کی ہدایت کی ،کیس کی سماعت فروری کے آخری ہفتے میں ہوگی

جمعہ 15 فروری 2019 13:41

تعلیمی اداروں میں منشیات کابڑھتا ہوا استعمال پر اسلام آباد کے شہری ..

اسلام آباد (اُردو پوائنٹ اخبارتازہ ترین - این این آئی۔ 15 فروری2019ء) شہر اقتدار کے تعلیمی اداروں میں منشیات کابڑھتا ہوا استعمال پر اسلام آباد کے شہری راجہ صائم الحق ستی ایڈووکیٹ نے ہائی کورٹ سے رجوع کرلیا ۔ جمعہ کو جسٹس عامر فاروق نے درخواست جلد سماعت کیلئے مقرر کر نے کی ہدایت کی ،کیس کی سماعت فروری کے آخری ہفتے میں ہوگی۔ درخواست میں کہاگیاکہ تعلیمی اداروں میں کھلے عام منشیات فروشی جاری ہے۔

(جاری ہے)

درخواست گزار نے کہاکہ بچوں کے بلڈٹیسٹ لئے جائیں۔درخواست گزار نے کہاکہ تعلیمی اداروں کے کیفے رجسٹر کر کے نگرانی کی جائے۔درخواست نے کہاکہ کنٹینر مافیہ منشیات پھیلانے میں ملوث ہے۔ درخواست میں کہاگیا کہ عدالت سیکرٹری داخلہ اور آئی جی اسلام آباد کو کاروائی کی ہدایت کرے۔درخواست میں ڈی جی نارکوٹکس، سیکرٹری داخلہ،آئی جی اسلام آباد اورپرائیویٹ سکول ایسوسی ایشن کو فریق بنایا گیا