پاکستان اور سعودی عرب مل کر سپریم کوآرڈینیشن کونسل کے قیام کا اعلان کریں گے، ترجمان دفتر خارجہ

جمعہ 15 فروری 2019 17:38

اسلام آباد (اُردو پوائنٹ اخبارتازہ ترین - این این آئی۔ 15 فروری2019ء) ترجمان دفتر خارجہ نے کہا ہے کہ پاکستان اور سعودی عرب مل کر سپریم کوآرڈینیشن کونسل کے قیام کا اعلان کریں گے۔ ترجمان دفتر خارجہ نے اپنے ٹوئٹ میں کہا کہ سپریم کوآرڈی نیشن کونسل سعودی ولی عہد کے دورے کے موقع پر قائم ہوگی۔

(جاری ہے)

ترجمان دفتر خارجہ نے کہاکہ وزیراعظم عمران خان اور سعودی ولی عہد کونسل کے قیام کا اعلان کریں گے۔ترجمان دفتر خارجہ کے مطابق کونسل کے قیام سے دونوں ممالک کے درمیان موثر قانون سازی کا عمل شروع ہوگا۔ ترجمان دفتر خارجہ کے مطابق کونسل باہمی دلچسپی کے مقاصد کے حصول میں بھی مددگار ثابت ہوگی۔