انٹرا افغان ڈائیلاگ وقت کی اہم ضرورت ہیں ،افغان حکومت اور طالبان کو آخر کار مل بیٹھنا ہو گا ،شاہ محمود قریشی
افغانستان کے مسئلے کو طاقت کے ذریعے حل نہیں کیا جا سکتا،مسئلے کا واحد شعوری حل مذاکرات کے ذریعے سیاسی حل تلاش کرنا ہے،سٹیک ہولڈرز افغان امن عمل کے سلسلے میں صبر و تحمل کا دامن ہاتھ سے نہ چھوڑیں،پاکستان خطے میں استحکام اور قیام امن کیلئے اپنا کردار ادا کرتا رہے گا،وزیر خارجہ کا عالمی سیکورٹی کانفرنس کے افغانستان سے متعلق خصوصی سیشن سے خطاب
جمعہ 15 فروری 2019 23:38
(جاری ہے)
وزیر خارجہ شاہ محمود قریشی نے عالمی سیکورٹی کانفرنس کے افغانستان سے متعلق خصوصی سیشن سے خطاب کرتے ہوئے کہاکہ پاکستان عرصہ ء دراز سے یہ کہتا چلا آ رہا ہے کہ افغانستان کے مسئلے کو طاقت کے ذریعے حل نہیں کیا جا سکتا،افغانستان کے مسئلے کا واحد شعوری حل مذاکرات کے ذریعے سیاسی حل تلاش کرنا ہے اورآج الحمد للہ پوری دنیا ہمارے نقطہ ء نظر کی حمایت اور تائید کر رہی ہے۔
انہوں نے کہا کہ افغانستان ہمارا ایسا اہم ہمسایہ ملک ہے جس کے ساتھ ہمارا مستقبل وابستہ ہے، افغانستان میں امن و استحکام پاکستان کے وسیع تر مفاد میں ہے۔انہوں نے تمام سٹیک ہولڈرز پر زور دیا کہ وہ افغان امن عمل کے سلسلے میں صبر و تحمل کا دامن ہاتھ سے نہ چھوڑیں۔وزیر خارجہ نے کہا کہ افغانستان میں قیام امن کے حوالے سے گذشتہ کئی برسوں سے پاکستان طالبان کے ساتھ مذاکرات کے ذریعے، مسئلے کے پر امن حل کا حامی رہا ہے ۔انہوں نے افغانستان میں سیاسی تعطل کے خاتمے کیلئے پاکستان کی طرف سے کی جانے والی کاوشوں پر روشنی ڈالی۔وزیر خارجہ مخدوم شاہ محمود قریشی نے اجلاس کے شرکاء کو افغانستان کے مسئلے کے پر امن حل سے متعلق وزیراعظم عمران خان کے ویژن سے آگاہ کیا۔انہوں نے کہا کہ افغانستان کے مسئلے کا واحد شعوری حل مذاکرات کے ذریعے سیاسی حل تلاش کرنا ہے۔انہوں نے کہا کہ ہمیں خوشی ہے کہ ہمارے نقطہ ء نظر کو تسلیم کیا گیا ہے آج ہم ایک دوسرے کے ساتھ گفتگو کے مرحلے میں داخل ہو چکے ہیں۔وزیر خارجہ نے کہا کہ افغانستان کی اہمیت کو مدنظر رکھتے ہوئے میں نے وزارت خارجہ کا منصب سنبھالنے کے بعد سب سے پہلا دورہ افغانستان کا کیا۔انہوں نے کہا کہ افغانستان ہمارا ایسا اہم ہمسایہ ملک ہے جس کے ساتھ ہمارا مستقبل وابستہ ہے ،افغانستان میں امن و استحکام پاکستان کے وسع تر مفاد میں ہے۔انہوں نے کہا کہ افغانستان اور امریکہ کے دوستوں کی ہم سے دو توقعات تھیں ، پہلی یہ کہ پاکستان اپنا ممکنہ اثر و رسوخ استعمال کر کے طالبان کو مذاکرات کی میز پر لائے اور ہمیں اس میں کامیابی حاصل ہوئی ،آج طالبان مذاکرات کی میز پر ہیں اور مذاکرات کر رہے ہیں اگرچہ ابھی بہت سا کام باقی ہے لیکن اس میں پیش رفت ہو رہی ہے۔شاہ محمود قریشی نے کہا کہ ایمبیسڈر زلمے خلیل زاد نے ہماری کاوشوں کو سراہا اور صدر ڈونلڈ ٹرمپ نے بھی سٹیٹ آف یونین کے خطاب میں ہماری کاوشوں کو تسلیم کیا۔دوسری توقع ہم سے یہ تھی کہ ہم ایک ایسا وفد تشکیل دیں جس کے پاس مذاکرات کرنے کا اختیار ہو چنانچہ با اختیار وفد تشکیل پایا جس کے ابوظہبی اور دوحہ میں مذاکرات ہوئے مذاکرات کا اگلا دور اسلام آباد میں متوقع ہے اور اس کے بعد 25 تاریخ کو دوبارہ دوحہ میں نشست ہو گی۔وزیر خارجہ نے کہا کہ میں اس حوالے سے انتہائی پر امید ہوں کیونکہ اگر یہ موقع ہاتھ سے نکل گیا تو نقصان دہ ہو گااور ہم سمجھتے ہیں کہ یہ ایک مشترکہ ذمہ داری ہے جسے خطے کے تمام سٹیک ہولڈرز کو مل کر نبھانا ہو گا اور اس مسئلے پر اتفاق رائے پیدا کرنا ہو گا۔انہوںنے کہا کہ یقیناً انٹرا افغان ڈائیلاگ وقت کی اہم ضرورت ہیں ،افغان حکومت اور طالبان کو آخر کار مل بیٹھنا ہو گا کیونکہ اس کے بغیر مصالحت ممکن نہیں۔شاہ محمود قریشی نے کہا کہ پاکستان انتہائی ذمہ داری کے ساتھ ایک سہولت کار کا کردار ادا کر ریا ہے اور اس مشترکہ ذمہ داری کو نبھا رہا ہے اور خطے میں استحکام اور قیام امن کے لیے اپنا کردار ادا کرتا رہے گا۔مزید اہم خبریں
-
عالمی رہنماؤں کا اسرائیل اور ایران سے تحمل کا مطالبہ
-
قدرتی طور پر خطے کی صورت حال پر تشویش ہے‘ایرانی صدر کے استقبال کے منتظرہیں. پاکستان
-
اٹلی کے وزیر خارجہ انتونیو تاجانی کی ایران کے شہراصفہان پراسرائیلی حملے کی تصدیق
-
اسرائیل کے خلاف آپریشن نے ہماری اتھارٹی، ہمارے عوام کی فولاد جیسی قوت ارادی اور ہمارے اتحاد کو ظاہر کیا ہے .ایرانی صدر
-
پاکستان میں غیرملکی سرمایہ کاری دہشت گردوں کے نشانے پر
-
سعودی وزیر خارجہ کے دورہ اسلام آباد کا مقصد دو طرفہ اقتصادی تعاون کو بڑھانے پر بات چیت کو تیز کرنا تھا، ترجمان دفترخارجہ
-
6 سال بعد پہلی بارپاکستان میں 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
صدرسے بینکنگ محتسب پاکستان سراج الدین عزیز کی ملاقات ، سالانہ رپورٹ پیش کی
-
پاکستان کا چین کے ساتھ چائے کے شعبے میں تعاون مزید بڑھانے کا فیصلہ
-
آرمی چیف سے سعودی عرب کے معاون وزیر دفاع کی ملاقات، دفاعی تعلقات پر تبادلہ خیال
-
امید ہے آئی ایم ایف کیساتھ نئے قرض پروگرام کے خدوخال مئی میں طے پا جائیں گے، وزیرخزانہ
-
وزیراعظم کی زیر صدارت اسمگلنگ کی روک تھام کے حوالے سے اعلیٰ سطحی اجلاس ، مختلف امورپر بریفنگ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.