Live Updates

شہباز شریف کی رہائی کے بعد اہلیہ تہمینہ درانی کا محبت بھرا پیغام

جس چراغ کو اللہ جلائے اسے کون بجھائے۔ تہمینہ درانی کا شہباز شریف کے ہمراہ تصویر پوسٹ کرتے ہوئے ٹویٹ

Muqadas Farooq Awan مقدس فاروق اعوان ہفتہ 16 فروری 2019 11:26

شہباز شریف کی رہائی کے بعد اہلیہ تہمینہ درانی کا محبت بھرا پیغام
لاہور(اُردو پوائنٹ اخبارتازہ ترین۔ 16 فروری2019ء) قومی اسمبلی میں قائد حزب اختلاف و پاکستان مسلم لیگ (ن)کے صدر شہباز شریف کو سب جیل سے رہا کردیا گیا اور وہ لاہور پہنچ گئے ہیں۔جس کے بعد شہباز شریف کی اہلیہ تہمینہ درانی نے ٹویٹ کیا ہے۔تہمینہ درانی نے اپنے شوہر شہباز شریف کے ہمراہ تصویر پوسٹ کرتے ہوئے کہا کہ جس چراغ کو اللہ جلائے اسے کون بجھائے۔

تہمینہ درانی شہباز شریف کی رہائی کے بعد خاصی مطمئن دکھائی دیں۔
 
 واضح رہے صدر شہباز شریف کو سب جیل سے رہا کردیا گیا جس کے وہ لاہورپہنچ گئے ،ائیر پورٹ پران کے استقبال کے لئے رہنمائوں اور کارکنوں کی کثیر تعداد موجود تھی۔لاہور ہائیکورٹ نے جمعرات کے روزشہباز شریف کی آشیانہ ہائوسنگ سکیم اور رمضان شوگر مل کیس میں ضمانت کی درخواست منظور کرتے ہوئے انہیں فوری طور پرجیل سے رہا کرنے کا حکم دیا تھا۔

(جاری ہے)

مچلکے جمع ہونے کے بعد احتساب عدالت کی جانب سے روبکار جاری کی گئی جس کے بعد تمام قانونی تقاضے پورے ہونے کے بعد قائد حزب اختلاف شہباز شریف کو سب جیل قرار دیئے گئے منسٹر انکلیو سے رہا کر دیا گیا جس کے بعد وہ لاہور پہنچ گئے ہیں۔ لاہور ایئرپورٹ پہنچنے پر مسلم لیگ (ن) کے رہنمائوں اور کارکنوں کی بڑی تعداد ان کے استقبال کے لئے موجود تھی جو اپنی قیادت کے حق میں نعرے لگاتے رہے۔

لاہور پہنچنے کے بعد شہباز انتہائی سخت سکیورٹی میں اپنی رہائشگاہ کی طرف روانہ ہو گئے ۔ذرائع کے مطابق شہباز شریف آج  کے روز اپنے خاندان کے افراد اور پارٹی رہنمائوں سے ملاقاتیں کریں گے۔واضح رہے کہ لاہور ہائیکورٹ میں جسٹس ملک شہزاد احمد کی سربراہی میں 2 رکنی بینچ نے کیس کی سماعت کی تھی اور شہباز شریف کو 2 کروڑ روپے کے مچلکے جمع کرانے کا حکم دیا تھا۔
Live وزیراعظم شہباز شریف سے متعلق تازہ ترین معلومات