وزیراعظم عمران خان نے نیب کی جانب سے ڈائریکٹر آرکیالوجی خیبر پختونخوا ڈاکٹر عبدالصمد کی گرفتاری کا نوٹس لے لیا

چیئرمین نیب کو اپنے ادارے میں سے اس شرمناک حرکت کے ذمہ دار عناصر کیخلاف کارروائی کرنی چاہیے ، ٹوئٹ

ہفتہ 16 فروری 2019 14:18

اسلام آباد (اُردو پوائنٹ اخبارتازہ ترین - این این آئی۔ 16 فروری2019ء) وزیراعظم عمران خان نے نیب کی جانب سے ڈائریکٹر آرکیالوجی خیبر پختونخوا ڈاکٹر عبدالصمد کی گرفتاری کا نوٹس لے لیا۔

(جاری ہے)

سوشل میڈیا پر اسماعیل خان نامی صارف کی جانب سے ٹوئٹ کیا گیا کہ نیب نے سنسکرت میں جرمنی سے پی ایچ ڈی کرنے والے ایشیا کے واحد اسکالر اور آرکیالوجی میں گولڈ میڈلسٹ ڈاکٹر عبدالصمد کو کم آمدنی والے ورکرز کو غیر قانونی کھدائی روکنے کے الزام میں گرفتار کر لیا۔

اسماعیل خان نے لکھا کہ یہ سب کیا ہے کیوں کوئی ادھر خدمت کرے گا ۔وزیراعظم عمران خان نے اس ٹوئٹ کے جواب میں لکھا کہ چیئرمین نیب کو اپنے ادارے میں موجود اس شرمناک حرکت کے ذمہ دار افراد کے خلاف ایکشن لینا چاہیے