اسپیکر اسد قیصر کو حکومت کی مکمل حمایت حاصل ہے،نعیم الحق نے سپیکر قومی اسمبلی بارے گر دش کرنے والی خبروں کو پراپیگنڈہ قرار دیدیا

ہفتہ 16 فروری 2019 19:47

اسلام آباد (اُردو پوائنٹ اخبارتازہ ترین - این این آئی۔ 16 فروری2019ء) وزیراعظم کے معاون خصوصی نعیم الحق نے اسپیکر قومی اسمبلی اسد قیصر کے بارے میں گردش کرنے والی خبروں کو پراپیگنڈہ قرار دے دیتے ہوئے کہاہے کہ اسپیکر اسد قیصر کو حکومت کی مکمل حمایت حاصل ہے۔

(جاری ہے)

مائیکروبلاگنگ ویب سائٹ ٹویٹر پر اپنے پیغام میں نعیم الحق نے کہا کہ اسد قیصر بطور اسپیکر قومی اسمبلی اپنے فرائض بخوبی انجام دے رہے ہیں۔اسد قیصر مشکل حالات میں حکومت کی مشاورت سے ذمہ داری ادا کر رہے ہیں۔اسپیکر اسد قیصر کو حکومت کی مکمل حمایت حاصل ہے۔ انہوں نے کہا کہ اسد قیصر کے خلاف پراپیگنڈہ متعصبانہ ہے۔