اسمبلی کی منظور کردہ قراردادوں پر عملدرآمد نہ ہونے کیخلاف پنجاب اسمبلی میں تحریک استحقاق جمع

پیر 18 فروری 2019 16:55

لاہور (اُردو پوائنٹ اخبارتازہ ترین - این این آئی۔ 18 فروری2019ء) مسلم لیگ (ن) کی رکن پنجاب اسمبلی عظمیٰ زاہد بخاری پنجاب اسمبلی کی منظور کردہ قراردادوں پر عملدرآمد نہ ہونے کیخلاف تحریک استحقاق جمع کرادی جس میں کہا گیا ہے کہ پنجاب اسمبلی کا ایوان بیوروکریسی کے سامنے بے توقیر ہونے لگاہے ۔اسمبلی سے منظور ہونے والی قراردادوں میں کسی پر تاحال عملدرآمد نہیں ہو سکا۔

(جاری ہے)

افسر شاہی نے قراردادوں کو سرد خانے کی نذر کردیا ہے۔قواعد کے مطابق ایوان سے منظور ہونیوالی قرارداد پر تین ماہ میں عملدرآمد لازم ہے۔پنجاب اسمبلی مفاد عامہ کی 18قراردادیں منظور کرچکی ہے۔مگر ابھی تک کسی ایک قرارداد پر عملدرآمد کی رپورٹ اسمبلی سیکرٹریٹ میں جمع نہیں کرائی گئی۔بیوروکریسی کے اس طرز عمل پر اراکین میں شدید تشویش پائی جا رہی ہے۔