اعجازاحمدچوہدری سے پی ٹی آئی فرانس کے صدر ذوالفقار جتالہ کی وفد کے ہمراہ ملاقات

پیر 18 فروری 2019 21:25

لاہور (اُردو پوائنٹ اخبارتازہ ترین - این این آئی۔ 18 فروری2019ء) پاکستان تحریک انصاف کے مرکزی ایڈیشنل سیکرٹری جنرل اعجازاحمدچوہدری سے چیئرمین سیکرٹریٹ گارڈن ٹائون میں پی ٹی آئی فرانس کے صدر ذوالفقار جتالہ نے وفد کے ہمراہ ملاقات کی ،ذوالفقار جتالہ نے اعجازاحمدچوہدری سے ملکی سیاسی صورتحال اور تنظیمی امور پر تبادلہ خیال کیا ،ذوالفقا ر جتالہ نے کہاکہ اورسیز پاکستانی پی ٹی آئی حکومت کے شانہ بشانہ کھڑے ہیں، پی ٹی آئی کی حکومت ہی وزیراعظم عمران خان کی قیادت میں ملک کو بحرانوں سے نکالنے اور ترقی کی راہ پر گامزن کرنے کی صلاحیت رکھتی ہے ، اعجازاحمدچوہدری نے کہاہے کہ اورسیز پاکستانی ملک کا قیمتی اثاثہ ہیں ، ملک کی ترقی اور خوشحالی میں اورسیز پاکستانیوں کا کلیدی کردار ہے۔