متوقع بارشوں سے قبل سیوریج کے نظام میں موجود خامیوں اور کوتا ہیوں کو دور کیا جائے،منیجنگ ڈائر یکٹر واسا غلام محمد قائم خانی

حیدرآباد(اُردو پوائنٹ اخبارتازہ ترین - این این آئی۔ 18 فروری2019ء) منیجنگ ڈائر یکٹر واسا غلام محمد قائم خانی نے ایڈیشنل ایم ڈی سمیت ایکس ای اینز اور دیگر متعلقہ افسران کو ہدایت کی ہے کہ متوقع بارشوں سے قبل سیوریج کے نظام میں موجود خامیوں اور کوتا ہیوں کو دور کیا جائے،سیوریج نالوں کی ڈی سیلٹنگ اور کھلے مین ہولزکو فوری طور پر کور کیا جائے۔

(جاری ہے)

وہ سالانہ ترقیاتی پروگرام (ADP )کے حوالے سے منعقدہ اجلاس سے خطاب اور بعد ازاں فلٹر پلانٹس و پمپنگ اسٹیشنوں کے دورے کے موقع پر متعلقہ افسران سے گفتگو کر رہے تھے، ایچ ڈی اے میڈیا سیل کے مطابق ایم ڈی واسا نے اجلاس کے دوران سالانہ ترقیاتی پروگرام کے تحت تمام ترقیاتی اسکیموں کا تفصیلی جائزہ لیا، انہوں نے پرو کیو رکمیٹی ،ایڈیشنل ایم ڈی اور جملہ ایکس ای اینز کو ہدایت کی کہ ترقیاتی منصوبے ہر صورت میںمقررہ وقت کے اندر اندر مکمل کئے جائیں اور کام کے معیار اور قواعد و ضوابط پر کسی بھی قسم کا سمجھوتہ نہ کیا جائے، بعد میں انہوں نے فلٹر پلانٹس کا دورہ کیا اور فلٹر یشن کے عمل کا بغور جائزہ لیا، انہوں نے کلورینیشن پروسیس اور ایلم کی مقدار کا بھی جائزہ لیا اور ایلم کی مطلوبہ مقدار بر قرار رکھنے کے لئے موقع پر ہی چیک جاری کیا، انہوں نے کہا کہ اپنے صارفین کو ہر صورت میں WHO کے وضع کردہ معیار کے مطابق پانی فراہم کرنا واسا کی ذمہ داری ہے، شہر کے مختلف علاقوںمیں کھلے مین ہولز کی شکایات کے حوالہ سے ایم ڈی واسا نے ایکس ای اینزکو ہدایت کی کہ فوری طور پر مین ہول کورز بنوائے جائیں اور تمام یوسی چیئر مینزکے ساتھ مشاورت کر کے مین ہولز کو کور کیا جائے، انہوں نے اس مقصد کے لئے ہونے والے اخراجات کا چیک بھی موقع پر ہی جاری کیا۔