ہندوستان پاکستان پر حملے کا سوچے بھی نا ورنہ بھارت کا نام و نشان مٹ جائیگا،راجہ فاروق حیدر
کشمیریوں کے دل میں ہندوستان سے نفرت کے علاوہ کوئی جذبہ نہیں ہے۔کشمیریوں کے خلاف بھارتی وزیراعظم مودی اور خفیہ ایجینسی را کی ایما پر پرتشدد کارروائیاں ،کشمیری طلباء پر تشدد جموں میں مسلمان کشمیریوں کے خلاف منظم حملے انتہائی قابل مذمت فعل ہے،وزیر اعظم آزاد کشمیر
منگل 19 فروری 2019 17:31
(جاری ہے)
کشمیر تاریخی،ثقافتی ،جغرافیائی طور پر پاکستان ہے،بھارت کے خلاف بہادر کشمیری اپنی پاک فوج کے شانہ بشانہ فرنٹ لائن میں لڑیں گے۔
بھارت کو شکست فاش دینے کیلیے بہادر کشمیری پوری طرح تیار ہیں۔بھارتی فوج گیدڑ بھبکیاں نہ دے جنگ کوئی کھیل نہیں ہوتی۔وزیراعظم پاکستان نے ٹھیک کہا اگر بھارت نے کوئی غلطی کی تو پاکستان سوچے گا نہیں بھرپور جواب دیگا۔وزیراعظم نے ان خیالات کا اظہار پاکستانی و کشمیری کمیونٹی سے خطاب میں کیا۔وزیراعظم جب خطاب کیلیے پہنچے تو ان کا والہانہ خیرمقدم کیا گیا۔انہوں نے کہا کہ آپ لوگ یہاں ہمارے سفیر ہیں ،آپ یورپ میں کشمیر پر بھرپور بات کیا کریں اس حوالے سے کوئی دباو خاطر میں نہ لائیں بلکہ یہاں کی کمیونٹی کو بھارتی فوج کے جابرانہ قبضے اور ظلم و ستم کے بارے میں بتائیں۔انہوں نے کہا کہ بھارتی فوج نے لاکھوں کشمیری شہید کر دئیے اب کشمیری بھارتی فوج کو پھول تو پیش نہیں کر سکتے۔انہوں نے کہا اگر بھارت نے زمینی حقائق کا ادراک نہ کیا تو پلوامہ جیسے حملے ہوتے رہیں گے۔انہوں نے کہ کہ چانکیہ ذہنیت کے بعد اب مودی ذہنیت نے بھارت کو اپنی لپیٹ میں لے رکھا ہے اور مودی ذہنیت یہ ہے کہ مسلمانوں خاص طور پر کشمیریوں کو نشںانہ بنایا جائے۔انہوں نے کہا کہ مقبوضہ کشمیر میں۔بھارتی فوج جو انسانیت سوز مظالم ڈھا رہی ہے دنیا اس کا نوٹس لے اور ہمیں اس سے نجات دلانے میں ہماری مدد کرے۔انہوں نے کہا اگر بھارت نے یہ جارحانہ رویہ جاری رکھا تو خطے کے امن کی ضمانت نہیں دی جا سکتی۔انہوں نے کہا کشمیریوں نے کبھی بھارت کے قبضے کو تسلیم نہیں کیا ہے وہ بھارت سے آزادی کیلیے مسلسل قربانیاں دے رہے ہیں اور یہ سلسلہ آزادی اور پاکستان کے ساتھ الحاق تک جاری رہے گا۔وزیراعظم نے کہا ہماری حکومت کی ترجیح اول آزادی کشمیر ہے بھارت سے آزادی کیلیے ہم ہر حد تک جائیں گے اور ہر عالمی فورم پر بھارت کا پیچھا کریں گے اور اس کے ظلم کو طشت از بام کریں گے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.