نیب نے کچھ چیزیں مانگی جو فراہم کردی تھیں ،اس کے باوجود میرے بچوں کے ساتھ گھر پر بہت زیادتی ہوئی ہے،آغاسراج درانی

میرے گھر چھاپہ مارنے والوں کے ساتھ بھی اللہ ایسا ہی کرے گا، میں جیالا ہوں شہید بے نظیر بھٹو کا سپاہی ہوں جیل سے نہیں ڈرتا نہیں،میڈیا سے بات چیت

جمعرات 21 فروری 2019 17:34

نیب نے کچھ چیزیں مانگی جو فراہم کردی تھیں ،اس کے باوجود میرے بچوں کے ..

کراچی (اُردو پوائنٹ اخبارتازہ ترین - این این آئی۔ 21 فروری2019ء) نیب کی زیر حراست اسپیکر سندھ اسمبلی آغا سراج درانی نے کہا ہے کہ نیب نے کچھ چیزیں مانگی جو فراہم کردی تھیں ،اس کے باوجود میرے بچوں کے ساتھ گھر پر بہت زیادتی ہوئی ہے،مجھے عدالت سے انصاف کی امید ہے۔

(جاری ہے)

جمعرات کو احتساب عدالت کی جانب سے یکم مارچ تک جسمانی ریمانڈ دئیے جانے کے بعد احتساب عدالت میں صحافیوں سے مختصر گفتگو کرتے ہوئے اسپیکر سندھ اسمبلی آغا سراج درانی نے کہا کہ میں جیالا ہوں شہید بے نظیر بھٹو کا سپاہی ہوں جیل سے نہیں ڈرتا نہیں۔

اسپیکر سندھ اسمبلی نے کہا کہ مجھے پتہ ہی نہیں کہ مجھ پر کیا الزامات ہیں،مجھے نیب کی طرف سے کھبی نوٹس نہیں ملا،یہ جھوٹ ہے کہ میں کسی انکوائری میں تعاون نہیں کررہا ہوں۔ آغا سراج درانی نے کہا کہ میرے گھر چھاپہ مارنے والوں کے ساتھ بھی اللہ ایسا ہی کرے گا،بعد نیب نے بلائے بغیر گرفتار کیا، تمام تحفظات کے باوجود پیپلز پارٹی عدالتوں پر اعتماد کرتی ہے۔