نیب تحریک انصاف کے وزیراعظم کا آلہ کار ہے‘سعید غنی

چیئرمین نیب پی ٹی آئی کے وزرا سسے ملاقاتیں کرتے ہیں‘ وزیرِبلدیات سندھ

جمعرات 21 فروری 2019 19:52

نیب تحریک انصاف کے وزیراعظم کا آلہ کار ہے‘سعید غنی

کراچی(اُردو پوائنٹ اخبارتازہ ترین - آن لائن۔ 21 فروری2019ء) وزیر بلدیات سندھ سعید غنی نے ہے کہ نیب تحریک انصاف کے وزیراعظم کا آلہ کار ہے‘ چیئرمین نیب پی ٹی آئی کے وزرا سسے ملاقاتیں کرتے ہیں ۔جمعرات کو کراچی احتساب عدالت کے باہر میڈیا سے بات کرتے ہوئے سعید غنی کا کہنا تھا کہ ہمارے ملک میں پیپلز پارٹی اور پی ٹی آئی کے لیے الگ الگ قانون ہے، اگر نیب دوران تفتیش کسی کو گرفتار کرسکتی ہے تو وزیر اعظم اور دیگر کو بھی کرے۔

اگر اہل خانہ کو حبس بے جا میں رکھنا جائز ہے تو عمران خان کے اہل خانہ کو بھی رکھیں۔

(جاری ہے)

وزیرِ بلدیات سندھ نے کہا کہ ہماری قیادت کے خلاف جھوٹے مقدمات بنائے جارہے ہیں، آغا سراج کو کراچی میں بھی گرفتار کیا جاسکتا تھا لیکن یہ تاثر دیا جارہا ہے کہ پیپلز پارٹی کے خلاف ساری کارروائیاں راولپنڈی میں ہوگی، پنجاب کے کسی بھی رہنما کا احتساب سندھ میں نہیں ہورہا لیکن پیپلزپارٹی والوں کا احتساب اسلام آباد میں ہورہا ہے، ہم جب اس پر بات کرتے ہیں تو ہمیں کہا جاتا ہے کہ سندھ کارڈ استعمال کررہے ہیں، نیب تحریک انصاف کے وزیراعظم کا آلہ کار ہے، چیئرمین نیب پی ٹی آئی کے وزرا سسے ملاقاتیں کرتے ہیں، احتساب کے نام پر تماشا اور کھلواڑ کیا جارہا ہے، ہم اس کھیل کو جلد بے نقاب کریں گی