وزیر اعظم سے آرمی چیف کی ملاقات

پاک بھارت کشیدگی سمیت ملکی سلامتی اور خطے کی سکیورٹی صورت حال پر تبادلہ خیال

جمعرات 21 فروری 2019 20:48

اسلام آباد(اُردو پوائنٹ اخبارتازہ ترین - آن لائن۔ 21 فروری2019ء) وزیر اعظم عمران خان سے آرمی چیف جنرل قمرجاوید باجوہ نے ملاقات کی ہے جس میں پلوامہ حملہ کے بعد پاک بھارت کشیدگی سمیت ملکی سلامتی اور خطے کی مجموعی سکیورٹی صورت حال پر تبادلہ خیال کیا گیا ۔

(جاری ہے)

تفصیلات کے مطابق جمعرات کے روز قومی سلامتی کمیٹی کے اجلاس سے قبل وزیر اعظم عمران خان سے آرمی چیف جنرل قمرجاوید باجوہ نے وزیر اعظم ہائوس میں ملاقات کی جو 30 منٹ تک جاری رہی ‘ اس موقع پر ملکی سلامتی اور خطے کی صورتحال پر تبادلہ خیال سمیت افغان امن عمل میں تفصیلی تبادلہ خیال کیا گیا،دونوں رہنمائوں کے درمیان مقبوضہ کشمیر کی صورت حال اور پلوامہ خودکش حملے کے بعد بھارتی دھمکیوں سے متعلق معاملات بھی زیر غور آئے۔