جیکب آباد ، یونیورسٹی کے قیام کے لیے اے پی سی کی ریلی، مختلف تنظیموں ،طلبہ اور شہریوں کی شرکت

جمعہ 22 فروری 2019 19:56

جیکب آباد(اُردو پوائنٹ اخبارتازہ ترین - آن لائن۔ 22 فروری2019ء) جیکب آباد میں یونیورسٹی کے قیام کے لیے اے پی سی کی ریلی، مختلف تنظیموں ،طلبہ اور شہریوں کی شرکت۔

(جاری ہے)

تفصیلات کے مطابق جیکب آباد میں آل پارٹیز کمیٹی کی جانب سے یونیورسٹی کے قیام کے لیے جاری تحریک کے پہلے مرحلے میں شہید اللہ بخش پارک سے ڈی سی چوک تک چئیرمین محمد شعبان ابڑو، ایڈوکیٹ جی ایم سومرو کی قیادت میں ریلی نکالی گئی جس میں نیشنل پارٹی کے مختیار بلوچ، پی ٹی آئی کے گلشیر ویسر، اقلیتی رہنما پادری شارون یوسف، سندھ ترقی پسند پارٹی کے صاحب چانڈیو، فنکشنل لیگ کے فدا لاشاری، مہران سوشل فورم کے عبدالحئی سومرو،مسلم لیگ نواز کے زاہد سولنگی، پی پی کے منصب شیخ، چیمبرس آف کامرس کے حاجی یوسف میمن ، سول سوسائٹی کے منظور جلبانی، مسلم لیگ قاف کے اظہار پٹھان، اساتذہ جاوید کلوڑ، اعجاز ابڑوسمیت طلبہ و شہریوں نے بڑی تعداد میں شرکت کی، ریلی کے شرکاء نے یونیورسٹی دو کے نعرے لگاتے ہوئے شہر کے راستوں پر مارچ کیا اور ڈی سی چوک پر پہنچے جہاں رہنماؤں نے خطاب کرتے ہوئے کہا کہ تعلیم کے فروغ کے لیے جیکب آباد میں یونیورسٹی کا قیام ضروری ہے جس سے نا صرف جیکب آباد اور گردونواح بلکہ بلوچستان کے نوجوان بھی مستفید ہوسکیں گے، جیکب آباد کے لیے منظور شدہ انجینئرنگ یونیورسٹی خیرپور منتقل کی گئی جوکہ جیکب آباد کی عوام کے حق پر ڈاکہ اور ذیادتی ہے انہوں نے کہا کہ جیکب آباد میں یونیورسٹی کا قیام جلد عمل میں لایا جائے ۔

Facebook Twitter Google + Share on Whatsapp

جیکب آباد ، یونیورسٹی کے قیام کے لیے اے پی سی کی ریلی، مختلف تنظیموں ،طلبہ اور شہریوں کی شرکت

متعلقہ عنوان :

مزید تعلیم کی خبریں