آل پاکستان انٹر بورڈ سپورٹس گالا پرسوں سے اسلام آباد میں شروع ہوگا

ہفتہ 23 فروری 2019 11:40

اسلام آباد (اُردو پوائنٹ اخبارتازہ ترین - این این آئی۔ 23 فروری2019ء) آل پاکستان انٹر بورڈ سپورٹس گالا پرسوں پیر سے جناح سٹیڈیم، اسلام آباد میں شروع ہوگا،آرگنائزنگ سیکرٹری محمد رمضان جمالی نے کو بتایا کہ سپورٹس گالا کی تیاریاں زور و شور پر ہیں اور سپورٹس گالا میں پانچ کھیلوں کے مقابلے ہونگے جن میں اتھلیٹکس، ہاکی، والی بال، بیڈمنٹن، رسہ کشی شامل ہیں۔

(جاری ہے)

انہوں نے کہا کہ ایونٹ میں ملک بھر سے 30 بورڈز ٹیموں میں بوائز اور گرلز کھلاڑی حصہ لیںگی ان بورڈز میں کراچی انٹر بورڈ، کراچی میٹرک بورڈ، حیدرآباد، میرپور خاص، سکھر، لاڑکانہ، پشاور، بنوں، کوہاٹ، ڈیرہ اسماعیل خان، مردان، ایبٹ آباد، مالاکنڈ، سوات، اسلام آباد، راولپنڈی، میرپور آزاد جموں و کشمیر، لاہور بی آئی سی ای، پنجاب بورڈ ٹیکنکل ایجوکیش لاہور، گوجرانوالہ، ساہی وال، فیصل آباد، ملتان، بہاولپور، ڈیرہ غازی خان شامل ہیں،گالا میں شرکت کے لئے کھلاڑی 24 فروری کو اسلام آباد پہنچیں گے اور ایونٹ 5 مارچ تک جاری رہے گا۔