اکثریت رکھنے والی حکومتیں نہیں رہیں تو کچھ نشستوں کی اکثریت والے بھی زیادہ دیر تک نہیں رہ سکتے‘ملک احمد خان
شہباز شریف پر 56کمپنیوں ، آشیانہ سکیم ،رمضان شوگر ملز کے معاملے پر الزامات جھوٹے ثابت ہوئے ،نیب کے پاس ثابت کرنے کو کچھ نہیں تھا جھوٹے الزامات سے تنگ آچکے ،حکومتی وزراء مناظرہ کرلیں ،نواز شریف اور شہباز شریف کے بخار سے باہر نکل کر اپنی کارکردگی بتائیں علاج کے معاملے پر نواز شریف کی تذلیل کی گئی ،انکی اصل حیثیت عوام کے سامنے آنے کا انتظار کر رہے ہیں ‘ترجمان (ن) لیگ پنجاب کی پریس کانفرنس پرانے منصوبوں پر نئی تختیاں لگائی جا رہی ہیں،پنجاب میں کوئی گورننس نہیں ،لگتاہے عثمان بزدار تونسہ کے وزیر اعلیٰ ہیں ‘عطاء تارڑ
ہفتہ 23 فروری 2019 15:37
(جاری ہے)
اس موقع پر عطاء تارڑ سمیت دیگر پارٹی رہنما بھی انکے ہمراہ تھے ۔ ملک احمد خان نے کہا کہ عمران خان نے الزام لگایا کہ شہباز شریف نے پانامہ معاملہ دبانے کے لیے 10 ارب کی پیشکش کی ،ہم نے انہیں لیگل نوٹس بھیجا لیکن کوئی جواب نہیں ملا ،ملتان میٹرو کے معاملے پر لیگل نوٹس بھیجا اس کا بھی عمران خان نے کوئی جواب نہیں دیا ،عمران خان الزام لگاتے ہیں اور پھر ان کی پوری جماعت الزام لگانا شروع کر دیتی ہے ،شہباز شریف پر 56کمپنیوں کا الزام لگا دیا گیا ، ہم پہلے دن سے کہہ رہے ہیں کہ آشیانہ اقبال میں سرکاری خزانے سے ایک روپیہ بھی خرچ نہیں ہوا لیکن وفاقی اور صوبائی وزیر جھوٹے کیسز پر اثر انداز ہوتے رہے ،وزرا نے حکومتی وسائل استعمال کرتے ہوئے جھوٹا پروپیگنڈہ کیا ،رمضان شوگر ملز کے معاملے پر بھی الزامات جھوٹے ثابت ہوئے ، اب بتائیں اربوں روپے کی کرپشن کہاں ہوئی۔
ثابت ہو گیا کہ کسی فریق کو فائدہ نہیں پہنچایا گیا ،نیب کے پاس ثابت کرنے کو کچھ نہیں تھا ،شہباز شریف نے خندہ پیشانی سے حالات کا مقابلہ کیا ۔انہوں نے کہا کہ یہ لوگ جھوٹ پر پوری عمارت کھڑی کرتے ہیں ، اب وزیر اعظم بتائیں کہ شہباز شریف پر جو الزام لگائے وہ سب جھوٹے ثابت ہو رہے ہیں اور انکے الزامات ردی کی ٹوکری میں ڈال دیئے گئے ہیں۔انہوں نے کہا کہ شہباز شریف ضمیر کے قیدی ہیں وہ کب تک خاموش رہیں گے،ہم نے انہیں کو دن رات کام کرتے دیکھا ہے ۔انہوں نے کہا کہ جھوٹے الزامات کی بھی حد ہوتی ہے اب ہم تنگ آ گئے ہیں،میں نے ان کے وزراء کو مناظرے کی دعوت دی ، فیاض چوہان کو بھی مناظرے کی دعوت دی لیکن وہ بھاگ گئے۔ ہم وارننگ دے رہے ہیں کہ جھوٹے الزامات لگانا بند کریں ،نواز شریف اور شہباز شریف کے بخار سے نکلیں اور اپنی کارکردگی بتائیں ۔ ملک احمد خان نے کہا کہ عمران خان آپ نے بھارت کو جواب دیا تو ہم نے اسکی تائید کی ۔ایک سوال کے جواب میں انہوں نے کہا کہ چاروں میڈیکل بورڈز نے کہا کہ نواز شریف کے دل کا علاج ہونا چاہیے مگر علاج کے معاملے پر تین بار کے منتخب وزیر اعظم کی تذلیل کی گئی ،ہم نے تو ان کے خرچ سے ڈسپرن بھی استعمال نہیں کی،ان کی اصل حیثیت عوام کے سامنے آنے کا انتظار کر رہے ہیں ۔ ملک احمد خان نے کہا کہ سپیکر سندھ اسمبلی کی گرفتاری کے خلاف ہوں ،اکثریت رکھنے والی حکومتیں نہیں رہیں تو یہ کچھ نشستوں کی اکثریت والے بھی زیادہ دیر نہیں رہ سکتے ۔انہوں نے پارٹی رہنما ،سابق رکن اسمبلی رانا تجمل حسین کے انتقال پر دکھ اور افسوس کا اظہار کرتے ہوئے کہا کہ اللہ پاک مرحوم کے درجات بلند فرمائے اور لواحقین کو صبر جمیل عطا فرمائے آمین۔اس موقع پر عطاء تارڑ نے کہا کہ شہباز شریف کو چھوٹے کیس میں 133دن نیب کے عقوبت خانے میں رکھا گیا۔وزیر اعظم غیر ملکی دوروں میں بھی ملک کی عزت کو خراب کرتے رہے ۔ عطاء تارڑ نے کہا کہ پرانے منصوبوں پر نئی تختیاں لگائی جا رہی ہیں،صاف پانی منصوبے میں شہباز شریف کی کوشش سے 20 فیصد بچت ہوئی ۔ پنجاب میں کوئی گورننس نہیں ،لگتاہے کہ عثمان بزدار تونسہ کے وزیر اعلیٰ ہیں ۔مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.