بھارتی طیارے گرانے والے پائلٹ کو گولڈ میڈل اور اعزازی شیلڈ دی جائے گی، مفتی منیب الرحمن
جمعة المبارک کو پاکستان کے استحکام ، سا لمیت اورتحفظ کے لیے یومِ عزم کے طور پر منایا جائے مودی کا شکریہ کہ اس نے پوری قوم کوبیس کروڑ قالب یکجان بنادیا، دارالعلوم نعیمہ میں ہنگامی پریس کانفرنس
جمعہ 1 مارچ 2019 00:00
(جاری ہے)
ڈی جی آئی ایس پی آر جنرل آصف غفور نے بھی قوم کی صحیح ترجمانی کی ۔ اہلسنت کا ٹریک ریکارڈ اس پر شاہد ہے کہ تحریک پاکستان سے لے کر ہر مشکل مرحلے پر وطن عزیز پر جب بھی مشکل وقت آیا، صف اول میں کھڑے رہے ہیں اور ان شاء اللہ اپنی اس روایت کو اب بھی قائم رکھیں گے۔
گزشتہ کافی عرصے سے حزبِ اقتدار واختلاف سمیت ہمارے سیاسی قائدین ایک دوسرے کی توہین وتذلیل میں مشغول تھے ، پارلیمنٹ غیر فعال ہوچکی تھی اور کوئی انہیں عقل کی راہ سجھانے والا نہیں تھا، لیکن ’’عدوّ شرے برانگیزد کہ خیرمادراں باشد‘‘کے مصداق بھارتی اِقدام نے پوری پاکستانی قوم کو بیس کروڑ قالب اور یکجان بنادیا ہے ،آج پوری قوم تمام اختلافات بھلا کر ملک کے تحفظ وسلامتی اور استحکام کے لیے یکسو ہے ، پس وزیر اعظم پاکستان جناب عمران خان کی ذمے داری ہے کہ تسبیح کے ان مربوط دانوں کو دوبارہ بکھرنے نہ دیں ،کیونکہ ملک کے مستقبل کے لیے قومی اتفاق رائے سے اقتصادی ، سماجی اور سیاسی پیکج مرتب کرنے کے لیے اتحاد واتفاق کی ضرورت ہے ، کسی بھی متوقع جنگ میں کامیابی کے لیے ملک کا داخلی ،معاشی وسیاسی استحکام اوّلین ضرورت ہے ۔ یہ نہ سمجھ لیا جائے کہ ملک میں سب کچھ ٹھیک ہے، ابھی بہت کچھ کرنے کی ضرورت ہے ۔ جنگ کسی کے لیے بھی ترجیحِ اول نہیں ہونی چاہیے۔ اسلام کی تعلیم بھی یہ ہے کہ جنگ کی ابتلا کو دعوت نہ دو، لیکن اگر تقدیرِ الٰہی اور دشمن بدنیتی سے جنگ مسلّط کردے تو پھر قدم پیچھے ہٹانا بزدلی ہے اور غیرتِ ایمانی کے منافی ہے ،پھر آگے بڑھ کر دشمن کو زیر کرنے کے سوا کوئی دوسرا آپشن باقی نہیں رہتا۔ ہماری سیاسی قیادت اور مسلّح افواج نے یہی پیغام دیا ہے ، امن خیرات کے طور پر نہیں ملتا، دیرپا اور باوقارامن کے لیے طاقت کی پوزیشن میں ہونا ضروری ہے ۔ اس وقت یقینا پاکستانی وبھارتی عوام سمیت پوری دنیا میں کوئی بھی جنگ نہیں چاہتا،یہ مودی کی عیاری اور آنے والے قومی الیکشن جیتنے کے لیے ایک مکروہ سیاسی چال تھی ،جس میں قدرت نے اُسے رسوا کر کے ناکامی سے دوچار کردیا ،اللہ تعالیٰ کا ارشاد ہی: ’’وہ اپنی سی چال چلتے ہیں اور اللہ اپنی خفیہ تدبیر فرماتا ہے اور اللہ بہترین خفیہ تدبیر فرمانے والا ہے،(الانفال:30)‘‘۔ہماری پارلیمنٹ کو مودی کے حق میں قراردادِ تشکّر پاس کرنا چاہیے کہ اس نے پاکستانی قوم کو بائیس کروڑ قالب اور یک جان بنادیا، ہماری دعا ہے کہ یہ قومی ،ملّی اور دینی وحدت قائم ودائم رہے اور ہمارے رہنمائوں کی بے تدبیری سے یہ نعمت ہاتھ سے چلی نہ جائے ۔ہم کشمیری عوام کو کئی عشروں پر محیط اُن کی بے مثال جرأت وہمت ،عزیمت واستقامت اور بے مثال قربانیوں پر خراجِ تحسین پیش کرتے ہیں ،کشمیر کی سرزمین اُن کے لہو سے رنگی ہوئی ہے اور کشمیر کا چپّہ چپّہ بھارتی فوج کی سفاکیت اور بربریت کی داستانیں سنارہا ہے ،لیکن :’’ظلم پھر ظلم ہے، بڑھتا ہے تو مٹ جاتا ہے‘‘، ظلم کو بالآخر مٹنا ہے ،کیونکہ دنیا عدل کی بنیاد پر قائم ہے ۔ہم اس بات کا خیر مقدم کرتے ہیں کہ پاکستان میں بھارتی فلموں کی نمائش کو ممنوع قرار دیا گیا ہے ،لیکن یہ جزوی اقدام ہے ،ہمارا مطالبہ ہے کہ ہمارا قومی میڈیا جو آئے دن بھارتی اداکاروں ،رقاصائوں کی برسی، سالگرہ ، فلموں کا تعارف، فلموں کے ہٹ سونگ، اُن کی شادیوں کی تقریبات ،اُن کی محبتوں اور نفرتوں کی داستانیںقوم کو سناتا اور دکھاتا ہے ،اس کو ہمیشہ ہمیشہ کے لیے بند کردیا جائے ،کیا پاکستان میں کوئی بھی ہیرو یا قابلِ احترام افراد نہیں ہیں کہ جن کی ہمارا میڈیا پروجیکشن کرے،پس اس عملی تضاد کو ختم کرنے کی ضرورت ہے ۔کبھی ایسا محسوس ہوتا ہے کہ ہمارے میڈیا کی ذمے داری ہندوستانی ثقافت کو پاکستان پر مسلّط کرنا ہے۔ پریس کانفرنس میں علامہ مفتی محمد رفیق حسنی ،علامہ صاحبزادہ ریحان امجد نعمانی،علامہ مفتی محمد الیاس رضوی اشرفی، علامہ رضوان احمد نقشبندی، علامہ لیاقت حسین اظہری،علامہ مفتی اویس نقشبندی، علامہ رفیع الرحمن نورانی ،علامہ محمد اشرف گورمانی ،علامہ صابرحسین نورانی، مفتی عبدالرزاق نقشبندی، محمد شمیم خان، علامہ محمد ناصرخان چشتی، مولانا محمد عمیر رفیق حسنی، مولانا بختیار علی نعیمی ودیگر شریک تھے۔مزید قومی خبریں
-
زبانی، تحریری طلاق پر قانون کیا کہتا ہے ہائی کورٹ کا عدت نکاح کیس میں سزا کیخلاف اپیل پراستفسار
-
بدین میں 2 نوعمرلڑکوں کا گینگ ریپ، پولیس اہلکار اورسیاستدان کیخلاف مقدمات درج
-
پشاو،بڈھ بیرپولیس کی کارروائی، چوری میں ملوث ملزم گرفتار
-
صوابی ، گھریلو تنازعے پر بھائی نے بھا ئی کوقتل کردیا
-
حکومت گندم خریدنے کے ہدف میں4 ملین ٹن کا اضافہ کرے ‘ جمشید اقبال چیمہ
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.