کراچی ،بن قاسم ریلوے میں گھر کی چھت سے 10بچی کی لاش برآمد

کراچی (اُردو پوائنٹ اخبارتازہ ترین - این این آئی۔ 01 مارچ2019ء) بن قاسم ریلوے کالونی میں گھرکی چھت پرپانی کے ٹینک سے 10 سالہ خدیجہ کی لاش ملی جسے زیادتی کے بعد قتل کیا گیا۔تفصیلات کے مطابق کراچی کے علاقے بن قاسم ریلوے کالونی میں گزشتہ روز گھر کی چھت پرپانی کے ٹینک سے 10 سالہ خدیجہ کی ہاتھ پاوں بندھی لاش ملی تھی، جسے جناح اسپتال لایا گیا، پوسٹ مارٹم کے بعد ڈاکٹرذکیہ نے بچی کو زیادتی کے بعد قتل کئے جانے کی تصدیق کرتے ہوئے کہا کہ بچی کی گردن میں دوپٹہ ڈال کر گلا گھونٹا گیا۔

(جاری ہے)

ایس ایس پی ملیر عرفان علی بہادر کے مطابق خدیجہ کو اہلخانہ لاپتہ ہونے پرشام سے تلاش کر رہے تھے، پھرگھرکی تیسری منزل پر بنے پانی کے ٹینک سے بچی کی ہاتھ پاوں بندھی لاش ملی۔خدیجہ کے ماموں کا کہنا تھا کہ ان کی کسی سے نہ تو دشمنی تھی اور نہ لین دین کا کوئی تنازع تھا۔ لواحقین نے چیف جسٹس آف پاکستان سمیت اعلی حکام سے مطالبہ کیا ہے کہ خدیجہ کے قاتل کو جلد گرفتار کر کے عبرت کا نشان بنائیں۔پولیس نے پوسٹ مارٹم کے بعد لاش ورثا کے حوالے کردی۔ بچی کی لاش تدفین کے لئے آبائی علاقے لاڑکانہ کے قریب قمبر شہداد کوٹ لے جائی جائے گی۔