پاکستانی نژادامریکی اداکار کمیل نانجیانی ہالی ووڈ فلم میں کاسٹ

ہفتہ 2 مارچ 2019 11:44

لاس اینجلس (اُردو پوائنٹ اخبارتازہ ترین - این این آئی۔ 02 مارچ2019ء) آسکر ایوارڈ کیلئے نامزد ہونیوالے پاکستانی نژاد امریکی کامیڈین کمیل نانجیانی جلد ہالی ووڈ ایکشن کامیڈی جاسوسی فلم میں جلوے دکھاتے نظر آئینگے۔کمیل نانجیانی کراچی میں پیدا ہوئے اور ابتدائی تعلیم وہیں حاصل کی۔

(جاری ہے)

کراچی گرامر سکول سے تعلیم مکمل کرنے کے بعد وہ 18 برس کی عمر میں امریکہ منتقل ہوئے جہاں انہوں نے کمپیوٹر سائنس اور فلاسفی کی تعلیم حاصل کی اور اب ان کا شمار امریکہ کے معروف کامیڈین اداکاروں میں ہوتا ہے ۔کمیل نانجیانی اب تک متعدد امریکی فلموں، ٹی وی سیریلز، ویڈیو گیمز اور ویب سائٹ سیریز میں کام کر چکے ہیں، انہیں سب سے زیادہ شہرت ایچ بی او ٹی وی کے کامیڈی ڈرامہ سیریل سے ملی۔