سینٹ قائمہ کمیٹی انسانی حقوق اجلاس: فواد چوہدری اور ایم ڈی پی ٹی وی کے مابین تلخ جملوں کا تبادلہ
کمیٹی نے سپریم کورٹ کے حکم کے مطابق دوہفتوں کے دوران پی ٹی وی ملازمین کو پنشن اور مراعات بحال کرنے اورمستقل ایم ڈی تعینات کرنے کی سفارش کردی، انسانی حقو ق کی پیش کی گئی ابتدائی رپورٹ غیر تسلی بخش قرار دے دی گئی ایم ڈی ، پی ٹی وی کے حوالے سے سپریم کورٹ کے فیصلے پر عمل درآمد کیوںنہیںہوا، چیئرمین کمیٹی مصطفی نواز کھوکھر پی ٹی وی کے اخراجات زیادہ ہیں ، آمدن کم ہے، ارشد خان نے چیئرمین اور ایم ڈی بننے کیلئے کافی لابنگ کی تھی، یہ تو بتایا کہ 2 مرتبہ پی ٹی وی میں رہے مگر یہ نہیں بتایا دونوں مرتبہ نکالے گئے،پی ٹی وی کا بورڈ موجود ہی نہیں ہے، وزیر اطلاعات فواد چوہدری پارلیمنٹرین کی تنخواہ ڈیڑھ لاکھ ہے ، ایم ڈی پی ٹی وی کی تنخواہ22 لاکھ ہے ، پی ٹی وی بورڈ کیسے چلایا جارہا ہے، انتظامی امور پر سوالات کھڑے ہوتے ہیں، فرحت اللہ بابر، عثمان کاکڑ
منگل 5 مارچ 2019 22:57
(جاری ہے)
انہوںنے کہا کہ ارشد خان نے چیئرمین اور ایم ڈی بننے کیلئے کافی لابنگ کی تھی۔ارشد خان نے یہ تو بتایا کہ 2 مرتبہ پی ٹی وی میں رہے مگر یہ نہیں بتایا کہ دونوں مرتبہ نکالے گئے۔پی ٹی وی کا بورڈ موجود ہی نہیں ہے۔
اس سے قبل عطاالحق قاسمی کو چیئرمین تعینات کیا گیا اور وہ ایم ڈی کے اختیارات بھی استعمال کرتے رہے۔ وفاقی وزیر نے کہا کہاس وقت پی ٹی وی 12 ارب کے نقصان پر ہے۔ پی ٹی وی سے بزنس پلان مانگا کہ کیسے پیسے پورے کریں گے۔ پی ٹی وی کے 8 چینلز ہیں اور پانچ ارب کے نقصان میں ہیں۔ فواد چوہدری نے کمیٹی کوبتایا کہ ارشد خان کو بھرتیوں سے روکا مگر انھوں نے لاکھوں روپے پر بھرتیاں شروع کر دیں۔ نااہل لوگ لابنگ کر کے سرکاری اداروں میں آتے ہیں جس کے باعث ادارے تباہ ہوتے ہیں۔ سینیٹر عثمان کاکٹر نے کہا کہ پارلیمنٹرین کی تنخواہ ڈیڑھ لاکھ ہے جبکہ ایم ڈی پی ٹی وی کی تنخواہ بائیس لاکھ ہے ، سینیٹر فرحت اللہ بابر نے سوال کیا کہ پی ٹی وی بورڈ کیسے چلایا جارہا ہے۔اس کے انتظامی امور پر سوالات کھڑے ہوتے ہیں۔وزیر اطلاعات نے بتایاکہ سرکاری اداروں میں نااہل لوگ سفارشا ت کے ذریعے تعینات ہوکر سرکاری وسائل کا ناجائز استعمال کرتے ہیں ۔پی ٹی وی کا بزنس پلان مانگا تو کہا گیا کہ وہ وزیر اعظم ہائوس کو دیں گے۔پی ٹی وی بورڈ نے اپنی تنخواہوں پر تو جلد فیصلے کیئے مگر بزنس پلان پر توجہ نہیں کی۔پی ایس ایل کی بولی میں بھی پی ٹی وی ناکام رہا تحقیقات ہونی چاہیے کہ کیا کسی کو فائدہ پہنچانے کیلئے ایسا ہوا۔ ڈی آئی جی لورالائی نے بلوچستان میں پروفیسر ارمان لونی کے قتل سے متعلق کمیٹی کو بریفنگ دی تاہم کمیٹی قانون نافذ کرنے والے اداروں کی جانب کی جانے والی تحقیقات کو غیر تسلی بخش قراد دیا۔ڈی آئی جی نے کمیٹی کو بتایا کہ پشتون تحفظ موومنٹ کے دھرنے کے بعد ایمل خان کی گرفتار ی پر مزاحمت کے دوران پولیس نے کاروائی کی تو پروفیسر ابراہیم لونی گر گئے ،اور انہیں ہسپتال لے جایا گیا ، اسپتال میں انہوںدل کا دورہ کی وجہ انکی ہلاکت ہوئی ، پروفیسر ابراہیم لونی کا پوسٹ مارٹم کیا گیا ، انہوںنے کمیٹی کو بتایا کہ پروفیسر ابراہیم لونی پر تشدد نہیں کیاگیا۔سینیٹر فرحت اللہ بابر نے کہا کہ پروفسیر کی میڈیکل رپورٹ میں ہارٹ اٹیک کا کہیں ذکر نہیں ، انہوںنے کہا کہ اس طرح کے واقعات پر جوڈیشنل کمیشن بنایا جائے، گواہان اور اس کے خاندان کیس کی تحقیقات کیلئے جوڈیشنل کمیشن کا مطالبہ کررہے ہیں۔اجلا س کے دوران پی ٹی وی ملازمین نے ایم ڈی PTV کے خلاف احتجاج کیا ، مظاہرین نے کہا کہ پی ٹی وی انتظامیہ ہمارے مسائل حل نہیں کررہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔شمیم محمودمزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.