راولپنڈی آرٹس کونسل میں کلین اورگرین پاکستان کے سلسلے میں شجرکاری مہم کا آغازکردیاگیا

منگل 12 مارچ 2019 15:24

راولپنڈی(اُردو پوائنٹ اخبارتازہ ترین - این این آئی۔ 12 مارچ2019ء) آرٹس کونسل اورپنجاب گروپ آف کالجزکے اشتراک سے کلین اورگرین پاکستان کے سلسلے میں شجرکاری مہم کا آغازہوگیا ہے جس کے تحت آرٹس کونسل کے احاطہ میں 500 پودے لگائے گئے ہیں۔شجرکاری مہم میں ناہیدمنظور،ڈائریکٹرآرٹس کونسل وقاراحمد، ڈائریکٹر پنجاب گروپ آف کالجزچوہدری محمداکرم اورطالبات کی بڑی تعدادنے حصہ لیا۔

(جاری ہے)

اس موقع پرخطاب کرتے ہوئے ناہیدمنظورکا کہنا تھا کہ شجرکاری مہم میں حصہ لینا ہرشہری کا قومی فرض ہے۔ڈائریکٹرپنجاب گروپ آف کالجزچوہدری محمداکرم نے کہا کہ ماحولیاتی آلودگی پرقابو پانے کے لیے شجرکاری ناگزیرہے۔ڈائریکٹرآرٹس کونسل وقاراحمدنے کہا کہ سرسبزپاکستان ہی موسمیاتی تبدیلیوں سے نمٹنے کا واحدذریعہ ہے۔شجرکاری مہم پورے مارچ میں جاری رہے گی اورسینکڑوں پودے مزیدلگائے جائیں گے۔