ڈی جی ایل ڈی اے آمنہ عمران خان کی ہدایت پر ایل ڈی اے سٹی کا سائٹ آفس کاہنہ میں قائم

ایل ڈی اے سٹی کے چاروں ڈویلپمنٹ پارنٹرزکو مقررہ وقت میں منصوبے کو مکمل کرنے کی ہدایت

بدھ 13 مارچ 2019 15:55

ڈی جی ایل ڈی اے آمنہ عمران خان کی ہدایت پر ایل ڈی اے سٹی کا سائٹ آفس ..

لاہور(اُردو پوائنٹ اخبارتازہ ترین - این این آئی۔ 13 مارچ2019ء) لاہور ڈویلپمنٹ اتھارٹی کی ڈائریکٹر جنرل آمنہ عمران خان کی ہدایت پر ایل ڈی اے سٹی سکیم کا سائٹ آفس موضع کاہنہ میں پہلے سے دستیاب ایک عمارت میں قائم کر دیا گیا ہے جسے جلد ہی آپریشنل کر کے سکیم کے ضروری معاملات موقع پر ہی انجام دیئے جائیں گے۔ ایڈیشنل ڈائریکٹر جنرل (اربن پلاننگ )رانا ٹکا خان نے ایل ڈی اے کنٹرولڈ ایریا میں مٹی چوری کی روک تھام کے لئے علاقہ میں نافذ دفعہ 144کے اطلاق میں مزید دو ماہ توسیع کی سفارش کی ہے اور اس مقصد کے لئے سیکرٹری ہائوسنگ کو مراسلہ ارسال کر دیا ہے۔

دریں اثناء ڈویلپمنٹ پارٹنرز کے ساتھ ساتھ مالکان اراضی نے خود بھی ایل ڈی اے سٹی کے لئے زمین پیش کرنا شروع کر دی ہے۔ ایل ڈی اے سٹی کے چاروں ڈویلپمنٹ پارنٹرزکو بھی سپریم کورٹ کی مقرر کردہ ٹائم لائن کے اندر اندر اس منصوبے کو مکمل کرنے کے لئے ترجیحی بنیادوں پر تمام وسا ئل بروئے کار لانے کی ہدایت کی گئی ہے اور ماہ رواں کے دوران پونے چار سوکنال رقبہ ایل ڈی اے کو پیش کر دیا گیا ہے ۔

(جاری ہے)

سپریم کورٹ کے احکامات کی روشنی میں سکیم کے 9ہزار فائل ہولڈرز کو پلاٹ دینے کے لئے آٹھ ماہ کاوقت مقرر کیا گیا ہے‘ ڈویلپمنٹ پارٹنرزکو ہدایت کی گئی ہے کہ اس مدت میں زیادہ سے زیادہ اراضی مہیا کریں‘ بعد ازاں ایل ڈی اے قانونی طو ر پر باقی ماندہ اراضی مالکان سے ایکوائر کرنے کا مجاز ہے۔