پی آئی اے، سٹیل مل کی طرح نہ جانے کتنی سفید ہاتھی ہماری بغل میں ہیں،جسٹس گلزار احمد

ملازمین کی جتنی سال سروس ہے اتنی بنیادی تنخواہیں دینگے، وکیل ٹی آئی پی

جمعرات 14 مارچ 2019 13:55

پی آئی اے، سٹیل مل کی طرح نہ جانے کتنی سفید ہاتھی ہماری بغل میں ہیں،جسٹس ..

اسلام آباد (اُردو پوائنٹ اخبارتازہ ترین - این این آئی۔ 14 مارچ2019ء) سپریم کورٹ آف کورٹ کے جج جسٹس گلزار احمد نے کہا ہے کہ پی آئی اے، سٹیل مل کی طرح نہ جانے کتنی سفید ہاتھی ہماری بغل میں ہیں۔جمعرات کو سپریم کورٹ میں ٹیلی فون انڈسٹریز پاکستان (ٹی آئی پی) ملازمین کی مستقلی سے متعلق کیس کی سماعت جسٹس گلزار احمد کی سربراہی میں تین رکنی بینچ نے کی۔

عدالت نے ٹی آئی پی، حکومت اور ملازمین کو مذاکرات سے پیکج طے کرنے کا حکم دیا ہے ۔ وکیل شعیب شاہین نے کہاکہ ٹی آئی پی ادارہ عملی طور پر بند ہوچکا ہے ۔ جسٹس گلزار احمد نے کہاکہ ٹی آئی پی کے فون بہت اچھے ہوتے تھے۔ وکیل شعیب شاہین نے کہاکہ ٹی آئی پی کا خسارہ دو ارب سے تجاوز کر گیا ہے۔جسٹس گلزار احمد نے کہاکہ ٹی آئی پی بھی ہمارے لیے سفید ہاتھی بن گیا ہے۔

(جاری ہے)

جسٹس گلزار احمد نے کہاکہ پی آئی اے، سٹیل مل کی طرح نہ جانے کتنی سفید ہاتھی ہماری بغل میں ہیں۔جسٹس گلزار احمد نے کہا کہ ایک آدمی کے کام کیلئے سو افراد بھرتی کیے جاتے ہیں۔جسٹس اعجاز الاحسن نے کہا کہ دیگر ملازمین کو گولڈن ہینڈ شیک دیا ہے تو انہیں کیوں نہیں۔ وکیل ٹی آئی پی نے کہاکہ ملازمین کی جتنی سال سروس ہے اتنی بنیادی تنخواہیں دینگے۔ بعد ازاں سماعت دو ماہ کیلئے ملتوی کر دی گئی ۔