عوام کی خدمت کرنا ثواب بھی ہے اور طب کے شعبے کا تقاضہ بھی،ڈاکٹرعاصم حمید

خالق نگر(اُردو پوائنٹ اخبارتازہ ترین - این این آئی۔ 15 مارچ2019ء) ایم ایس جناح ہسپتال لاہور ڈاکٹرعاصم حمید نے کہا ہے کہ صحت کا محکمہ لوگوں کی خدمت کا شعبہ ہے۔ عوام کی خدمت انسان دوست رویے اور پروفیشنل طریقے سے کی جائے تو اس میں ثواب بھی ہے اور طب کے شعبے کا تقاضہ بھی۔ ہسپتال میں گروپنگ ، ما فیا اور سیاسی مداخلت کا خاتمہ کردیا گیا ہے۔ ہسپتال کی انتظامیہ کو خاص طور پر اپنے سٹاف کے رویے کو بہتر اور اٴْن کی ڈیوٹی پر موجودگی کو یقینی بنانا ہو گا۔

(جاری ہے)

ان خیالات کا اظہارڈاکٹرعاصم حمیدنے گزشتہ روزصحافیوں محمدعدنان ،سیدصدا حسین کاظمی ودیگرسے خصوصی گفتگوکرتے ہوئے کیا،انہوں نے کہا کہ جناح ہسپتال اگر کوئی ڈاکٹر ، پیرا میڈیکل سٹاف اور ہسپتال کا دیگر عملہ ڈیوٹی سے غائب پایا گیا تو اس کے خلاف تادیبی کارروائی ہو گی۔ انہوں نے کہا کہ میں ہسپتال کو خود مانیٹر کررہا ہوں اور عوام کے ساتھ اپنے سٹاف کے رویے کو بہتر بنانے اور سٹاف کی ڈیوٹی پر موجودگی کی کڑی نگرانی بھی کررہا ہوں۔انہوں نے کہا کہ کسی بھی قسم کی لاپرواہی برداشت نہیں کی جائے گی،ڈاکٹرعاصم حمیدنے بتایا کہ ہسپتال میں مریضوں اور ان کے لواحقین کے ساتھ سٹاف کا رویہ بہترکیا گیا ہے۔