عمرکوٹ میں کچھ نادان دوستوں نے لاشوں پر سیاست کرنے کی کوشش کی،مرتضیٰ وہاب

میرپور میں میڈیکل کی طالبہ کی خودکشی کے واقعہ کی تحقیقات کروا رہے ہیں،لواحقین کے تمام مطالبات تسلیم کیے ،مشیر اطلاعات سندھ

پیر 18 مارچ 2019 16:56

عمرکوٹ میں کچھ نادان دوستوں نے لاشوں پر سیاست کرنے کی کوشش کی،مرتضیٰ ..
کراچی(اُردو پوائنٹ اخبارتازہ ترین - این این آئی۔ 18 مارچ2019ء) سندھ کے مشیر اطلاعات اور پیپلز پارٹی کے رہنما مرتضی وہاب نے کہا ہے کہ عمرکوٹ میں کچھ نادان دوستوں نے لاشوں پر سیاست کرنے کی کوشش کی۔میڈیا سے گفتگو کرتے ہوئے انہوں نے کہا کہ میرپور میں میڈیکل کی طالبہ کی خودکشی کے واقعہ کی تحقیقات کروا رہے ہیں۔

(جاری ہے)

مرتضی وہاب نے کہا کہ حکومتِ سندھ نے لواحقین کے تمام مطالبات تسلیم کئے، لواحقین نے کہا کہ ایس پی تھرپارکر سے تحقیقات کروائی جائیں ہم نے تسلیم کیا۔

مشیر اطلاعات سندھ کا مزید کہنا ہے کہ لواحقین نے جن 2 افراد کے خلاف مقدمہ درج کروانا چاہا وہ سلاخوں کے پیچھے ہیں۔انہوں نے پی ایس ایل کے میلے کے کامیاب انعقاد پر پوری قوم کو مبارکباد دی اور کہا کہ پاکستان کا مثبت چہرہ دنیا کے سامنے پیش کیا گیا، کراچی ایک بار پھر پرامن اور روشنیوں کے شہر میں تبدیل ہوا۔