ایف بی آر نے اس سال اب تک کا کم ترین ٹیکس اکٹھا کیا

اس سال ملکی بجٹ کا ڈیفی سیٹ 6.6% سے بڑھ کر 7% ہو گا، خواجہ آصف

عثمان خادم کمبوہ پیر 18 مارچ 2019 19:20

ایف بی آر نے اس سال اب تک کا کم ترین ٹیکس اکٹھا کیا

اسلام آباد(اردو پوائنٹ اخبار تازہ ترین۔18مارچ 2019ء) ن لیگی راہنما خواجہ آصف نے کہا ہے کہ اس سال ایف بی آر نے اب تک کا کم ترین ٹیکس اکٹھا کیا ہے جس کی وجہ سے اس سال کے بجٹ کا ڈیفی سیٹ جی ڈی پی کا 7% ہو جائے گا جبکہ مسلم لیگ ن کی حکومت میں بجٹ ڈیفی سیٹ جی ڈی پی کا 6.6%تھا۔ خواجہ آصف نے اپنے ٹویٹر پیغام میں پاکستان تحریک انصاف کی حکومت پر تنقید کرتے ہوئے کہا پی ٹی آئی حکومت نے مالی سالوں کے تمام ریکارڈ اس مالی سال میں توڑ دیے ہیں۔

انکا اشارہ پاکستان کی گرتی معیشت اور ڈالر کی قیمت میں ہوتے اضافے کی طرف تھا۔ یاد رہے کہ ڈالرپاکستان میں اس وقت تاریخ کی بلند ترین سطح کو چھو رہا ہے، ملک میں بہت سی بیرونی سرمایہ کاری آنے کے باوجود ڈالر کی قیمت کم نہیں ہو سکی۔

(جاری ہے)

وزیر خزانہ نے آئی ایم ایف کے پاس جانے کا بھی عندیہ دے دیا ہے، وزیر خزانہ اسد عمر نے گزشتہ دنوں میڈیا سے بات کرتے ہوئے بتایا تھا کہ آئی ایم ایف کے ساتھ پاکستان کے معاملات طے پا گئے ہیں اور چند مسائل باقی ہیں وہ بھی جلد حل ہو جائیں گے تو پاکستان آئی ایم ایف سے قرضہ لے گا۔

اب جون میں تحریک انصاف حکومت نے اپنا پہلا بجٹ پیش کرنا ہے جس پر تمام نظریں لگی ہوئی ہی ہیں لیکن سابق وفاقی وزیر خواجہ آصف نے کہا ہے کہ اس سال ٹیکس کم اکٹھا ہونے کی وجہ سے ملکی بجٹ کا ڈیفی سیٹ 6.6%سے بڑھ کر 7%ہو گیا۔ خواجہ آصف نے پی ٹی آئی حکومت کی پالیسیوں پر تنقید کرتے ہوئے کہا ہے کہ حکومت نے گزشتہ مالی سالوں کے تمام ریکارڈ توڑ ڈالے ہیں۔