نمر مجید کا نام ای سی ایل سے نکالنے کا معاملہ ،

ہائی کورٹ نے ڈی جی ایف آئی اے اور سیکریٹری داخلہ کو نوٹسز جاری کردیئے

منگل 19 مارچ 2019 12:48

نمر مجید کا نام ای سی ایل سے نکالنے کا معاملہ ،

اسلام آباد (اُردو پوائنٹ اخبارتازہ ترین - این این آئی۔ 19 مارچ2019ء) اسلام آباد ہائی کورٹ نے نمر مجید کا نام ای سی ایل سے نکالنے کی درخواست پر ڈی جی ایف آئی اے اور سیکریٹری داخلہ کو نوٹسز جاری کردیئے ۔ منگل کو نمر مجید کا نام ای سی ایل سے نکالنے کے معاملے کی سماعت جسٹس عامر فاروق نے کی ۔ سماعت کے دور ان درخواست گزار کی جانب سے راجہ رضوان عباسی ایڈووکیٹ عدالت میں پیش ہوئے ۔

(جاری ہے)

عدالت نے ڈی جی ایف آئی اے اور سیکریٹری داخلہ کو نوٹسز جاری کردیئے ۔ وکیل درخواست گزار نے کہاکہ 4 فروری 2019 کونمر مجید کو بیرون ملک سفر کرنے سے روکا گیا۔وکیل درخواست گزارنے کہا کہ یہ بات ریکارڈ پر ہے کہ انور مجید کی فیملی تحقیقات میں مکمل تعاون کر رہی ہے۔وکیل درخواست گزار نے کہاکہ نمر مجید کو بیرون ملک سفر سے روکنا بنیادی انسانی حقوق کی خلاف ورزی ہے۔رضوان عباسی نے عدالت سے استدعا کی کہ عدالت فریقین کو نور مجید کا نام ای سی ایل سے نکالنے کا حکم دے۔