سرفراز احمد نے پی ایس ایل فتح بلوچستان کے نام کردی

پی ایس ایل کے انعقاد پرسکیورٹی فورسز، سندھ حکومت اوروفاق کا شکریہ ادا کیا

ذیشان مہتاب منگل 19 مارچ 2019 12:27

سرفراز احمد نے پی ایس ایل فتح بلوچستان کے نام کردی

کراچی(اردو پوائنٹ تازہ ترین اخبار19مارچ ۔2019ء) کوئٹہ گلیڈی ایٹرزکے کپتان سرفرازاحمد نے پی ایس ایل کے کامیاب انعقاد پرسکییورٹی فورسز، سندھ حکومت اوروفاق کا شکریہ ادا کیا۔تفصیلات کے مطابق کوئٹہ گلیڈی ایٹرزکے کپتان سرفرازاحمد نے سماجی رابطے کی ویب سائٹ ٹویٹر پر اپنے پیغام میں کہا کہ پی ایس ایل فتح پاکستانی عوام اورخاص کر بلوچستان کے نام ہے۔

سرفراز احمد نے پی ایس ایل کے انعقاد پرسکیورٹی فورسز، سندھ حکومت اوروفاق کا شکریہ ادا کیا۔

(جاری ہے)

کوئٹہ گلیڈی ایٹرزکے کپتان سرفراز احمد نے عالمی کھلاڑیوں، خصوصاً کراچی کے شائقین کا کامیاب پی ایس ایل پرشکریہ ادا کیا۔

یاد رہے کہ اتوار کے روز نیشنل سٹیڈیم ،کراچی میں کوئٹہ گلیڈی ایٹرز نے پی ایس ایل فائنل میں پشاور زلمی کو 8 وکٹوں سے شکست دے کر ٹائٹل اپنے نام کیا تھا۔

پی ایس ایل فائنل میں پہلے بیٹنگ کرتے ہوئے پشاور زلمی نے 139 رنز کا ہدف دیا جسے کوئٹہ گلیڈی ایٹرز کی ٹیم نے 18 ویں اوور میں حاصل کرلیا تھا،احمد شہزاد نے ناقابل شکست نصف سنچری سکور کی۔کوئٹہ گلیڈی ایٹرز کی جانب سے محمد حسنین نے 3، ڈیوین براوو نے 2، محمد نواز اور فواد احمد نے ایک ایک وکٹ حاصل کی تھی۔