ملکی وسائل کی مساویانہ تقسیم تحریک انصا ف کی اولین ترجیح ہے‘سعدیہ سہیل رانا

منگل 19 مارچ 2019 19:51

لاہور(اُردو پوائنٹ اخبارتازہ ترین - این این آئی۔ 19 مارچ2019ء) پنجاب اسمبلی کی سٹینڈنگ کمیٹی ایکسائز اینڈ ٹیکسیشن اینڈ نارکوٹکس کی چیئرپرسن سعدیہ سہیل رانا نے کہا ہے کہ تحریک انصا ف کی حکومت کی ساری توجہ محروم طبقوں کو اپنے پائوں پر کھڑا کرنے پر مرکوز ہے،جس کے لئے تمام وسائل بروئے کار لائے جا رہے ہیں۔

(جاری ہے)

اپنے ایک بیان میں انہوں نے کہا کہ پسے ہوئے طبقوں کے لئے بہت کچھ کرنے کی ضرورت ہے کیونکہ ان پر سابقہ ادوار میں توجہ نہیں دی گئی جس کی وجہ سے محروم لوگوں کی تعداد میں بہت اضافہ ہو چکا ہے۔

سابق حکومتوں نے اشرافیہ کو سہولیات دیں اور دولت چند خاندانوں تک محدود ہو کر رہ گئی۔ انہوں نے کہا کہ تحریک انصاف کی حکومت مساوات قائم کرے گی۔ جس کے لئے ملکی وسائل کو عام آدمی پر خرچ کیا جا رہا ہے عام آدمی اپنے پائوں پر کھڑا ہو گا تو ملک ترقی کرے گا۔ ملکی وسائل کی مساویانہ تقسیم تحریک انصا ف کی اولین ترجیح ہے۔