نیوزی لینڈ مساجد حملہ‘ویلنگٹن میں پارلیمنٹ اجلاس کا آغاز تلاوت قرآن پاک سے ہوا

شہید پاکستانی ہیرو نعیم راشد کو خراج عقید ت پیش کیا گیا حملہ آوردہشت گرد، مجرم اورانتہا پسند کیخلاف قانون کے تحت کارروائی ہوگی‘آپ مجھے اس کا نام لیتے نہیں سنیں گی:جیسنڈا آرڈن کا خطاب وزیراعظم نے خطاب سے قبل اسلام و علیکم کہہ کر متاثرین سے اظہار یکجہتی کی

منگل 19 مارچ 2019 20:03

نیوزی لینڈ مساجد حملہ‘ویلنگٹن میں پارلیمنٹ اجلاس کا آغاز تلاوت قرآن ..

کرائسٹ چرچ(اُردو پوائنٹ اخبارتازہ ترین - آن لائن۔ 19 مارچ2019ء) نیوزی لینڈ میں کرائسٹ چرچ مساجد میں دہشتگرد حملے کے بعد امت مسلمہ سے اظہار یکجہتی کیلئے ویلنگٹن میں پارلیمنٹ کے اجلاس کا آغاز تلاوت قرآن پاک سے کیا گیا جبکہ وزیراعظم جیسنڈ آرڈن نے اپنے خطاب سے قبل اسلام و علیکم بھی کہا۔خبر رساں ادارے کے مطابق وزیراعظم نیوزی لینڈ جیسنڈا آرڈن نے اپنی تقریر کا آغاز السلام وعلیکم سے کرتے ہوئے سانحہ کے متاثرین سے یکجہتی کا اظہار کیا۔

(جاری ہے)

کرائسٹ چرچ مساجد میں موجود مسلمانوں کودہشت گرد سے بچاتے ہوئے اپنی جان قربان کرکے جرات اور بہادری کی مثال بننے والے شہید پاکستانی نعیم راشد کو وزیراعظم نیوزی لینڈ نے خراج عقیدت پیش کیا جبکہ اپوزیشن اور حکومتی ارکان نے متاثرین کے سوگ میں ایک منٹ کی خاموشی اختیارکی۔وزیراعظم نیوزی لینڈ جیسنڈا آرڈن نے پارلیمنٹ کے خصوصی سیشن سے خطاب کرتے ہوئے کہا کہ حملہ کرنے والے شخص کیخلاف قانون کے تحت کارروائی ہوگی، حملہ آوردہشت گرد، مجرم اورانتہا پسند ہے، آپ مجھے اس کا نام لیتے ہوئے نہیں سنیں گے۔