مارچ کے آخری ہفتہ بارسلونا میں 40پلس کرکٹ ٹورنامنٹ منعقد ہوگا

ّ بارسلونا(اُردو پوائنٹ اخبارتازہ ترین - آن لائن۔ 19 مارچ2019ء) رواں ماہ مارچ کے آخری ہفتہ بارسلونا میں 40پلس کرکٹ ٹورنامنٹ ہونے جارہا ہے۔ جس کے لئے کرکٹ ٹیم’’کاتالونیا ییلو‘‘نے مقامی ریسٹورنٹ پر اپنے کھلاڑیوں کی کٹ متعارف کرا دی۔تقریب کے مہمان خصوصی قونصل جنرل عمران علی چوہدری ،’’انم پٴْر فائنا‘‘کے سربراہ رامون ماسیانے دیگر مہمانوں کامران حیات،شوکت اسلام چوہان، محمد شہباز ملک،فیض احمد فیضی، ڈاکٹر ہما جمشیداور دیگر کے ہمراہ کھلاڑیوں میں کٹ تقسیم کیں۔

اس موقع پر ’’انم پٴْر فائنا‘‘کے سربراہ رامون ماسیا نے بارسلونا چیمبر آف کامرس کے انتخابات کے حوالہ سے گفتگو بھی کی۔اور کہا کہ اسپین خاص طور پر کاتالونیا میں کرکٹ کا کھیل فروغ پا رہا ہے۔

(جاری ہے)

جس میں پاکستانی کمیونٹی کا بڑا ساتھ ہے۔ قونصل جنرل عمران علی چوہدری نے کہا کہ بڑی خوشی کی بات ہے کہ اسپین میں کرکٹ کی ترویج کے لئے نوجوان کھلاڑیوں کے ساتھ ساتھ ہمارے 40 پلس نوجوان بھی بڑھ چڑھ کر حصہ لے رہے ہیں۔

اور کرکٹ کی مقبولیت میں اپنا کردار ادا کر رہے ہیں۔کرکٹ ٹیم’’کاتالونیا ییلو‘‘کے کپتان چوہدری ثاقب طاہر نے کھلاڑیوں کی حوصلہ افزائی کی اور کہا کہ میں امید کرتا ہوں کہ پاکستانی کمیونٹی بھی میدان میں آکر کھیل سے لطف اندوز ہوگی اور اس طرح کاتالونیا میں کرکٹ کھیلنے والے نوجوانوں کی پذیرائی ہوگی۔ کرکٹ ٹیم’’کاتالونیا ییلو‘‘کی کٹ کی رونمائی کی تقریب میں معروف بزنسمین پاکستان مسلم لیگ ق اسپین کے چیئرمین چوہدری امتیاز لوراں نے بھی شرکت کی۔

کیا وقت تھا جب چھوٹے کھیلتے تھے اور بڑے حوصلہ افزائی کرتے تھے اب بارسلونا سپین میں بڑے کھیلیں گے اور چھوٹے ان کا خون گرمائیں گے اور نعروں کے ذریعے ان کا لڑکپن یاد کرائیں گے اچھی روایت ہے برقرار رہنی چاہیے تاکے 40 پلس چہرے پہچاننے میں آسانی ہو۔