4 ایکٹر غیر قانونی الاٹمنٹ کے معاملے پر سندھ ہائی کورٹ نے قائم علی شاہ کی عبوری ضمانت میں 3 مئی تک توسیع کر دی

زمینوں کی الاٹمنٹ سے میرا کوئی تعلق نہیں ہے، آج کل سنا ہے نیب کو اوپر سے بڑی مچھلیوں کو پکڑنے کا حکم دیا گیا ہے،سابق وزیراعلیٰ سندھ کی میڈیا سے گفتگو

جمعرات 21 مارچ 2019 17:00

4 ایکٹر غیر قانونی الاٹمنٹ کے معاملے پر سندھ ہائی کورٹ نے قائم علی شاہ ..

کراچی(اُردو پوائنٹ اخبارتازہ ترین - این این آئی۔ 21 مارچ2019ء) کراچی کی ملیر ندی میں 94 ایکٹر غیر قانونی الاٹمنٹ کے معاملے پر سندھ ہائی کورٹ نے قائم علی شاہ کی عبوری ضمانت میں 3 مئی تک توسیع کر دی۔جمعرات کو سندھ ہائی کورٹ میں ملیر ندی کی 94 ایکڑ زمین غیر قانونی طور پر آلاٹ کرنے کے خلاف کیس کی سماعت ہوئی۔ تفتیشی افسر نے عدالت کو آگاہ کیا کہ زمین صحافی جی ایم جمالی اور سوسائٹی کے نام پر الاٹ کی گئی ہے۔

(جاری ہے)

عدالت نے سابق وزیراعلی سندھ قائم علی شاہ کی عبوری ضمانت میں تین مئی تک توسیع کرتے ہوئے نیب کے تفتیشی افسر کو پیش رفت رپورٹ پیش کرنے کا حکم دے دیا۔سماعت کے بعد میڈیا سے بات چیت کرتے ہوئے قائم علی شاہ نے کہا کہ زمینوں کی الاٹمنٹ سے میرا کوئی تعلق نہیں ہے، آج کل سنا ہے نیب کو اوپر سے بڑی مچھلیوں کو پکڑنے کا حکم دیا گیا ہے۔ صحافی نے سوال کیا کہ اوپر والوں سے کیا مراد ہے تو قائم علی شاہ نے بات گول کر دی۔