غریب دوست سے جان چھڑانے کے لیے عورت کا اپنے اغوا اور قتل کا ڈراما
امین اکبر جمعرات 21 مارچ 2019 23:50
رومانوی تعلق ختم کرنا آسان نہیں ہوتا لیکن یہ اتنا مشکل بھی نہیں ہوتا کہ اس کے لیے اپنے اغوا اور قتل کا ڈراما کرنا پڑے۔ ایک چینی خاتون نے اپنے غریب دوست سے تعلق ختم کرنے کے لیے اپنے اغوا اور قتل کا ڈراما کیا لیکن پکڑی گئیں۔
چین کے صوبے ہوبئی کے شہر ووہان سے تعلق رکھنے والی 37 سالہ خاتون کو اپنے اغوا اور قتل کا ڈراما کرنے پر گرفتار کر لیا گیا۔
یو نامی یہ خاتون آج کل اپنے دوست لین کے ساتھ گھومتی تھیں۔ چینی نئے سال کے موقع پر وہ لین کے گھر گئیں تو انہیں معلوم ہوا کہ اُن کی مالی حالت کچھ زیادہ اچھی نہیں۔اس پر یو نے لین کو چھوڑنے کا فیصلہ کیا۔ یو کو لگتا تھا کہ لین اپنے مسترد کیے جانے کو آرام سے قبول نہیں کرے گا، اس لیے انہوں نے ”غائب“ ہونے کا منصوبہ بنایا ۔
(جاری ہے)
21 فروری کو لین کے گھر سے واپس آنے کے فوراً بعد یو غائب ہو گئی۔ یو نے لین کو فون کر کے بتایا کہ انہیں اُن کے سابقہ شوہر نے اغوا کر لیا ہے۔ یو نے فون پر کہا ”آؤ اور مجھے بچاؤ، میرے سابقہ شوہر نے مجھے اغوا کر لیا ہے۔ جلدی آؤ! میرا خیال ہے میں ہائی وے پر ہوں“
ڈرامے میں حقیقت کا رنگ بھرنے کے لیے یو نے اغوا کار بن کر لین کو کئی ٹیکسٹ میسج بھی کیے۔ یو نے لین کو کہا کہ اگر انہوں نے پولیس نے فون کو کیا تو وہ یو کو قتل کردے گا۔ کچھ دیر کے بعد یو نے لین کو ٹیکسٹ میسج کیا کہ انہوں نے یو کو قتل کر کے اس کی لاش جھیل میں پھینک دی ہے۔
مایوس لین نے پولیس کو فون کر دیا۔ اطلاع ملنے پر پولیس نے فوراً اپنی تحقیقات کا آغاز کیا۔ علاقے کی تین دن کی فوٹیج دیکھنے پر پولیس کو معلوم ہوا کہ یو ووہان کے ٹینگلونگ ضلع کے ایک ہوٹل میں ٹھہری ہوئی تھی۔ پولیس جب ہوٹل پہنچی تو یو بستر پر لیٹے ٹی وی دیکھ رہی تھی۔ یو کو زندہ دیکھ کر پولیس بھی حیران رہ گئی۔
پولیس کے پوچھنے پر یو نے پرسکون لہجے میں بتایا کہ انہوں نے یہ سب اپنے غریب دوست سے جان چھڑانے کے لیے کیا تھا۔ ووہان ایوننگ نیوز کے مطابق پولیس نے یو کو اپنے اغوا اور قتل کے ڈرامے پر دس دن کے لیے حراست میں رکھا۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.