گورنر ہائوس میں رائس ایکسپورٹرز ایسو سی ایشن آف پاکستان کے زیر انتظام بریانی فیسٹیول کا انعقاد
صنعت کاروں کے لئے ایسے اقدامات کررہے ہیں جس سے پیداوار سے لے کر عالمی منڈیوں تک کی رسائی کو آسان بنایا جاسکے،عمران اسماعیل کا خطاب
جمعہ 22 مارچ 2019 17:05
(جاری ہے)
انہوں نے کہا کہ مجھے یہ جان کر خوشی ہوئی ہے کہ رائس ایکسپورٹ پاکستان کی دوسری بڑی ایکسپورٹ کی حیثیت رکھتی ہے ۔
اس ضمن میں اس طرح کے دنیا بھر کے 14ممالک کے 22 شہروں میں منعقدہ بریانی فیسٹیول اہم کردار ادا کررہے ہیں۔انہوں نے مزید کہا کہ موجودہ حکومت انڈسٹری، کاشتکاروں اور ایکسپورٹرز کو مزید سہولیات فراہم کرنا چاہتے ہیں تاکہ چاول کی برآمدات کو مزید بڑھایا جاسکتا ہے۔ اس طرح کے فیسٹیول کے انعقاد سے اس صنعت سے وابستہ افراد کی حوصلہ افزائی ممکن ہورہی ہے ۔ گورنر سندھ نے کہا کہ وفاقی حکومت معاشی خوشحالی میں عوام کی شمولیت کو بھی یقینی بنارہی ہے اور اس سلسلے میں صنعتوں سے وابستہ افراد پر بھرپور توجہ مرکوز رکھی جارہی ہے، چاول انڈسٹری سے وابستہ افراد کے تمام مسائل کو ترجیحی بنیادوں پر حل کیا جائے گا۔ انہوں نے کہا کہ ذراعت کے شعبے میں جدید ٹیکنالوجی کے استعمال سے پیداوار کو بڑھایا جاسکتا ہے۔ اس ضمن میں کاشتکاروں کی رہنمائی یقینی بنائی جائے تاکہ نقصانات کو کم سے کم کیا جاسکے۔ انہوں نے کہا کہ پیداوار میں اضافہ کے لئے حکومت اور نجی شعبے کو اپنے رابطے مزید مضبوط بنانا ہونگے۔ گورنر سندھ نے کہا کہ چاول کے کاشتکاروں اور ایکسپورٹرز کے لئے موجودہ حکومت اس شعبے میں بھی اصلاحات کررہی ہے ضرورت اس بات کی ہے اس شعبے سے وابستہ افراد فصلوں کے لئے درکار پانی کو مناسب انداز اور نئی ٹیکنا لوجی کی مدد سے استعمال کریں تاکہ غیر ضروری پانی ضائع نہ ہوسکے۔ رائس ایکسپورٹرز کے سابق چیئرمین عبدالرحیم جانو نے اپنے خطاب میں کہا کہ رواں سال 30 مارچ کو بریانی فیسٹیول سائوتھ افریقہ کے شہر جوہانسبرگ جبکہ 7 اپریل کو باکو میں بریانی فیسٹیول کا انعقاد کیا جائے گا، فیسٹیول کے انعقاد سے رائس ایکسپورٹ کے حجم میں خاطر خواہ اضافہ ممکن ہورہا ہے ۔ عبدالرشید جان محمد نے کہا کہ رائس انڈسٹری میں مزید وسعت کی بھرپور گنجائش ہے۔ اس سے قبل رائس ایکسپورٹرز ایسو سی ایشن آف پاکستان کے صدر صفدر حسین نے خطبہ استقبالیہ پیش کیا۔مزید تجارتی خبریں
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
-
برائلر گوشت کی قیمت میں36روپے کلو کمی
-
سکریپ کے گودام میں آگ لگنے سے لاکھوں کا سامان جل گیا
-
کراچی گولڈ بلین ایکس چینج کا سونے کے نرخ جاری کرنے کا اعلان
-
پیاز کی قیمتوں کمی جبکہ چینی قیمتوں اضافہ شروع ہوگیا پیاز کی قیمت 280سے کم ہوکر 140روپے فی کلو ہوگئی
-
لاہور: برائلر گوشت کی قیمت میں کمی
-
پاکستان سٹاک ایکسچینج میں تیزی ،100 انڈیکس نئی بلند ترین سطح پر پہنچ گیا
-
اوپن مارکیٹ میں چینی کی قیمتیں بڑھنا شروع ہوگئیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.