Live Updates

دنیا میں ہمارا اسرائیل سے بڑا کوئی دشمن نہیں،مہاتیر محمد

ملائیشیاء کے سب ممالک کے ساتھ اچھے تعلقات ہیں،لیکن اسرائیل کے ساتھ ہم نے کسی قسم کا کوئی تعلق نہیں رکھا ہوا ہے۔ملائیشین وزیراعظم مہاتیر محمدکاسرمایہ کاری کانفرنس سے خطاب

Sanaullah Nagra ثنااللہ ناگرہ جمعہ 22 مارچ 2019 17:05

دنیا میں ہمارا اسرائیل سے بڑا کوئی دشمن نہیں،مہاتیر محمد
اسلام آباد(اردوپوائنٹ اخبارتازہ ترین۔22 مارچ 2019ء) ملائیشیاء کے وزیراعظم مہاتیر محمد نے کہا ہے کہ ہمارا اسرائیل سے بڑا کوئی دشمن نہیں،ملائیشیاء کے سب ممالک کے ساتھ اچھے تعلقات ہیں،لیکن اسرائیل کے ساتھ ہم نے کسی قسم کا کوئی تعلق نہیں رکھا ہوا ہے۔وہ آج یہاں وزیراعظم عمران خان کے ہمراہ سرمایہ کاری کانفرنس سے خطاب کررہے تھے۔ملائیشین وزیراعظم مہاتیر محمد نے کہا کہ سرمایہ کاری کانفرنس کے انعقاد پر شکر گزار ہیں۔

اس طرح کی کانفرنسز دوسروں کے خیالات کو سمجھنے کا موقع دیتی ہیں۔انہوں نے کہا کہ آزادی کے وقت ملائیشیاء ایک بہت غریب ملک تھا۔ہم نے کورین اور جاپانی لوگوں سے سبق سیکھا اور پھر خوط محنت کی۔ہمیں دونوں ممالک کی سرمایہ کاری کوبڑھانا ہوگا۔ملائیشیاء تمام ممالک کے ساتھ بھی صرف تجارت چاہتے ہیں۔

(جاری ہے)

ملائیشیاء میں بیرونی سرمایہ کاری لیکر آئے۔

روزگار فراہم کرنے کا بہترین ذریعہ صنعتیں ہیں،زراعت کے شعبے سے ہم ایک فیصد،جبکہ ایک فیکٹری پانچ سولوگوں کو روزگار فراہم کررہی ہے۔ صنعتیں ہوں گی تولوگوں کو روزگار ملے گا۔ انہوں نے پاکستان میں پروٹون کار انڈسٹری لگانے کا اعلان کردیا ہے۔ انہوں نے وزیراعظم عمران خان کو ملائیشاء کی انڈسٹری کی بنی ہوئی کار بھی گفٹ کی۔ ہم نے غیرملکی سرمایہ کاروں کو اپنے ملک میں سرمایہ کاری کے مواقع فراہم کیے۔

تاجروں کے درمیان اشتراک کے مواقع پیدا کرنا بہت ضروری کام ہے۔انہوں نے کہا کہ کسی بھی ملک کی ترقی کیلئے امن اور استحکام کا کلیدی کردار ہوتا ہے۔ امن اور استحکام ہوگا تو سرمایہ کاری بھی آتی ہے۔ سڑکیں ، ریلوے، واٹرسپلائی، بجلی بھی ضروری ہے۔ انہوں نے کہا کہ ہمارے سب ممالک کے ساتھ اچھے تعلقات ہیں۔ لیکن ہمارا اسرائیل سے بڑا کوئی دشمن نہیں ہے۔

اسرائیل سے ہم نے کسی قسم کا کوئی تعلق نہیں رکھا۔ اسرائیل کے ساتھ ہم نے کسی قسم کا کوئی تعلق نہیں رکھا ہوا ہے۔ اس موقع پروزیراعظم پاکستان عمران خان نے کہا کہ مہاتیر کو پاکستان میں خوش آمدید کہتے ہیں۔ مہاتیر کا دورہ پاکستان قابل فخر ہے۔ کل قوم دن یوم پاکستان ہے۔ ہر پاکستانی مہاتیر کے قائدانہ کردار کی تعریف کررہا ہے۔انہوں نے کہا کہ لیڈر وہ ہوتا ہے جس کے پاس آئیڈیالوجی ہو، اور مشکل وقت میں کھڑا ہوسکے۔

مہاتیر نے ملائیشیاء کو تبدیل کرکے رکھ دیا ہے۔ مسلم ممالک میں ایک ماڈل ملک ہے جس نے اپنے وسائل سے ترقی کی ہے۔وزیراعظم عمران خان نے کہا کہ مہاتیر یوم پاکستان کی تقریب میں شرکت کریں گے۔ یہ وہ دن ہے جب 1940ء میں قرارداد پاکستان منظور کی گئی تھی۔اس وقت پاکستان کے عظیم لیڈر قائداعظم نے پاکستان کی بنیاد رکھی۔ انہوں نے کہا کہ پاکستان میں یہ ایسا وقت ہے جب وسیع سرمایہ کاری کے مواقع موجود ہیں۔ اس موقع پردونوں ممالک کے درمیان تجارت بڑھانے کیلئے کمیٹی بنا رہے ہیں۔پاکستان مستقبل کی ایک بہت بڑی مارکیٹ ہے۔ چین اور دوسرے ممالک کے ساتھ منسلک ہے۔انجینئرنگ ایند ٹیکنالوجی کی بنیاد پر سرمایہ کاری شروع کررہے ہیں۔
Live عمران خان سے متعلق تازہ ترین معلومات