عمران نے شوکت خانم ٹرسٹ کے نیچے 3 بے نامی کمپنیاں بنائیں، عابد شیرعلی کا دعویٰ

2 میں عمران خان کے پاس 75 کروڑ روپے آئے ، 37 کروڑ پاکستان آئے، باقی پیسے بے نامی اکائونٹس میں جمع کیے گئے، بیان

اتوار 24 مارچ 2019 14:50

عمران نے شوکت خانم ٹرسٹ کے نیچے 3 بے نامی کمپنیاں بنائیں، عابد شیرعلی ..

اسلام آباد (اُردو پوائنٹ اخبارتازہ ترین - این این آئی۔ 24 مارچ2019ء) پاکستان مسلم لیگ (ن )کے رہنما عابد شیر علی نے دعویٰ کیا ہے کہ وزیر اعظم عمران خان نے شوکت خانم ٹرسٹ کے نیچے 3 بے نامی کمپنیاں بنائیں۔میڈیا رپورٹ کے مطابق عابد شیر علی نے کہا کہ کمپنیوں کے سربراہ عمران خان ہیں، تینوں کمپنیوں کا ایک ہی ٹیلی فون نمبر ہے اور بے نامی کمپنیاں عمران خان کینسر اور ایس کے ایم کینسر اپیل کے نام سے بنائی گئیں۔

پاکستان مسلم لیگ (ن )کے رہنما نے کہا کہ عمران خان کینسر اپیل کے بینک اکائونٹ میں ڈیڑھ ارب روپے آئے

جس میں سے 75 کروڑ روپے انہوں نے اپنے پاس رکھے اور 75 کروڑ روپے اسٹاک ایکس چینج اور کیریبیئن آف شور کمپنیوں میں انویسٹ کیے۔

(جاری ہے)

انہوںنے کہاکہ 2012 میں عمران خان کے پاس 75 کروڑ روپے آئے جن میں سے 37 کروڑ پاکستان آئے، باقی پیسے بے نامی اکائونٹس میں جمع کیے گئے۔

انہوں نے دعویٰ کیا ہے کہ عمران خان کے امریکا میں 4، لندن میں 3 اور یو اے ای میں 12 لگژری اپارٹمنٹ ہیں۔

رہنما مسلم لیگ (ن )نے کہا کہ علیمہ خان 60 ملین پائونڈز کی دعوے دار ہیں جسے ریگولرائز کیا گیا، چیلنج کرتا ہوں کہ عمران خان اور علیمہ خان آئیں، مناظرہ کریں، الیکشن فنڈز کی مد میں جمع کیے گئے اربوں روپے کی تفصیل بھی میرے پاس ہے، اپنے موقف کا ہر فورم پر دفاع کروں گا۔