اسلام آباد انٹرنیشنل ایئرپورٹ پر اے این ایف نے منشیات سمگلنگ کی کوشش ناکام بنا دی، خاتون سمگلر گرفتار

اتوار 24 مارچ 2019 15:15

اسلام آباد (اُردو پوائنٹ اخبارتازہ ترین - این این آئی۔ 24 مارچ2019ء) اسلام آباد انٹرنیشنل ایئرپورٹ پر اے این ایف نے منشیات سمگلنگ کی کوشش ناکام بنا دی اور خاتون سمگلر کوکروڑوں روپے کی ہیروئن سمیت گرفتار کر لیا۔

(جاری ہے)

نجی ٹی وی کے مطابق اسلام آبادانٹرنیشنل ایئر پورٹ پر اے این ایف نے کارروائی کرکے منشیات کی بیرون ملک سمگلنگ کی کوشش ناکام بنا دی۔کوثر نامی خاتون کے سامان سے 13 کلوگرام سے زائد ہیروئن برآمدکرلی جس کی مالیت کروڑوں روپے بتائی جاتی ہے۔اے این ایف کے مطابق خاتون ہیروئن دوحہ کے راستے ویانا لیجا رہی تھی ،اے این ایف حکام نے خاتون کو گرفتارکرکے مقدمہ درج کرلیا۔