آئین شکنی کیس : سابق صدر پرویز مشرف کے وکیل کی التواءکی درخواست مسترد
اگر سابق صدر پیش نہ ہوئے عدالت خود فیصلہ کرئے گی. سپریم کورٹ
میاں محمد ندیم پیر 25 مارچ 2019 12:42
(جاری ہے)
عدالت نے پرویز مشرف کے وکیل کی جانب سے کیس کو التواءمیں ڈالنے کی درخواست مسترد کردی اور کہا ان 3 آپشنزمیں سے کسی پرعمل نہ ہواتو سپریم کورٹ خودفیصلہ کرے گی. چیف جسٹس نے وکیل سے مکالمے میں کہا پرویزمشرف تومکے شکے دکھاتے تھے، یہ ناہوعدالت کو مکے دکھا دیں،اندازہ تھا پرویز مشرف ہسپتال میں داخل ہوجائیں گے، جس پر درخواست گزار کے وکیل نے کہا کہ پرویز مشرف نے عدالت کوسنجیدگی سے نہیں لیا،عدالت کے ساتھ کھلواڑ کیاجا رہا ہے. جسٹس آصف کھوسہ نے کہاسوال یہ ہے ایک ملزم پیش نہیں ہورہا، اب کیاہو سکتاہے؟ایک ملزم جان بوجھ کر پیش نہیں ہوتاتوکیاعدالت بالکل بے بس ہے؟ اگرقانون اس صورتحال پرخاموش ہے توآئین سپریم کورٹ کواختیار دیتاہے. دوران سماعت مشرف کے وکیل نے کہا پرویز مشرف بیرون ملک حکومت کی اجازت سے گئے، جس پر چیف جسٹس نے کہا کہ وکیل صاحب حکومتوں کی اپنی ترجیحات ہوتی ہے، عدالت کی ترجیح صرف قانون ہے، یہ نہیں ہوسکتاکہ کوئی ملزم نظام انصاف سے بچ نکلے، یہ بہت غلط تاثر پیدا ہو رہاہے کہ کچھ لوگ قانون سے بالا ترہیں. چیف جسٹس نے کہا اگر قانون خاموش ہے تو اس کاحل سپریم کورٹ نکالے گی، بہتر حل ہے کہ ملزم کو ایک اور مناسب موقع دیا جائے، نہ آئے تواسکائپ پربیان دینے کاموقع فراہم کیاجائے، بیماری کی وجہ سے اسکائپ پرنہیں آتے تو ان کے وکیل سے سوال جواب کئے جائیں، میرے خیال میں وکیل بہتر جواب دےگا. جسٹس آصف کھوسہ نے کہا کہ وہ خو دجیسے قوم کومکے دکھاتے تھے، عدالت کوبھی آکرمکے شکے دکھانا نہ شروع کر دیں، علاج کے لئے باہرجاناقانونی حق ہے، ایسی مثالوں نے دوسروں کیلئے بھی مشکلات پیداکر دی ہیں. چیف جسٹس نے ریمارکس میں کہا کوئی ایسی غلط مثال نہیں بننے دیں گے، جس سے لگے کچھ لوگ قانون سے بالاترہیں ، ٹرائل ہر حال میں ہو گا اولیور کرومویل کی مثال ہمارے سامنے ہیں، مشرف اپنے ہوش وحواس میں ہیں، پاک بھارت ایشوپرمشرف نے بہت سمجھدارانہ بیانات دیئے، وہ دیگرموضوعات پر بیانات ، انٹرویو دے سکتے ہیں، اپنے کیس میں کیوں نہیں. سپریم کورٹ میں پرویزمشرف کیخلاف کیس کی سماعت میں وقفہ کے بعد عدالت نے کہا توقع ہے کہ ٹرائل کورٹ مشرف کے بیان ریکارڈ کرانے پرحل نکالے گی ، رجسٹرار خصوصی عدالت کے مطابق ٹرائل پر 28 اپریل کی تاریخ مقرر ہے، مشرف کا بیان ریکارڈکرنے کے حوالے سے معاونت طلب کی گئی ہے. عدالت نے کہا کہ ٹرائل کورٹ کسی نتیجے پر نہیں پہنچتی پھر ہم مسئلہ حل کریں گے بعد ازاں کیس کی سماعت یکم اپریل تک ملتوی کردی.
متعلقہ عنوان :
مزید اہم خبریں
-
سی ویو کے ساحل پر نوجوان کی مبینہ خودکشی کا ڈراپ سین ،نوجوان گھر واپس پہنچ گیا
-
سائفر کیس میں سزا سنانے والے جج کو واپس لاہور ہائیکورٹ بھیجنے کی سفارش
-
اسلام آباد ہائیکورٹ کا بشریٰ بی بی کے پرائیویٹ لیب سے طبی معائنے کا حکم
-
پاکستان سٹاک ایکسچینج میں نئے ریکارڈز، تاریخ میں انڈیکس پہلی بار 72 ہزار کی نفسیاتی حد عبور کر گیا
-
حکومت کا چینی کی ذخیرہ اندوزی اور سمگلنگ کیخلاف کریک ڈاؤن کا فیصلہ
-
پاکستان ایران نئے معاہدوں پر پیشرفت ہوئی تو پابندیاں لگ سکتی ہیں، امریکہ کی وارننگ
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.