دعا ہے سانحہ ماڈل ٹائون کے انصاف تک نواز شریف صحت مند رہیں‘ طاہر القادری
عدلیہ کے حوالے سے کوئی بات نہیں کرنا چاہتا،عدلیہ کی بات عدلیہ کے اندر عدلیہ کے ساتھ ہوگی‘ ائیر پورٹ پر گفتگو
منگل 26 مارچ 2019 12:01
(جاری ہے)
ڈاکٹر طاہر القادری نے کہا کہ 17 جون 2014 کے بعد یہ پہلی غیر جانبدار جے آئی ٹی بنی ہے جس نے نواز شریف اور شہباز شریف سے سوال و جواب کئے ،موقع کا دورہ کیا،گولیوں کے نشانات کا فرانزک سروے کرایا،اسلحہ اور استعمال ہونیوالی گولیوں کے متعلق سوال و جواب کیا۔
گزشتہ دونوں جے آئی ٹیز نے کسی زخمی کا بیان بھی قلمبند نہیں کیا ،ہم مرد ہیں ڈٹ کر انصاف کی جنگ لڑی ،لڑ رہے ہیں اور لڑتے رہیں گے ۔انہوں نے کہا کہ سانحہ ماڈل ٹائون سے ایک روز قبل فوٹو سٹیٹ کاپیوں پر اہم تقرر و تبادلہ ہوا اس سے پہلے بننے والی کسی جے آئی ٹی نے شریف برادران سے یہ سوال نہیں پوچھا کہ جہاز بھیج کر مشتاق سکھیرا کو کوئٹہ سے لاہور کیوں لایا گیا کونسی ایمرجنسی تھی اورکیا ہونیوالا تھا ۔ یہ سارے سوالات سابق حکمرانوں سے پہلی بار ہوئے ہیں اور ا ن کے ہوش اڑے ہوئے ہیں۔ سابق حکمران جب تک اقتدار میں رہے انہوں نے غیر جانبدار جے آئی ٹی نہیں بننے دی، دھرنے کے دوران بھی تین رکنی حکومتی ٹیم کے ساتھ غیر جانبدار جے آئی ٹی کی تشکیل پر بات ہوتی رہی کہ جے آئی ٹی میں پنجاب کے علاوہ سندھ،خیبرپختونخواہ یا بلوچستان کہیں سے سربراہ لے لیں تفتیش پر اعتماد کرینگے مگر وہ نہیں مانے، ہم قتل کرنے اور کروانے والوں کی جے آئی ٹی پر کیسے اعتماد کر سکتے تھی ۔انہوں نے کہاکہ نئی جے آئی ٹی نے نواز شریف،شہباز شریف،رانا ثنا،ڈاکٹر توقیر شاہ سمیت ملوث بیورو کریٹس اور 150 کے قریب افسران کے بیانات قلمبندکئے ہیں۔ اے ڈی خواجہ کو جے آئی ٹی کا سربراہ بنائے جانے کی خبر ٹی وی پر سنی تاہم غیر جانبدار جے آئی ٹی کی تشکیل پر اطمینان ہوگیا تھا کیونکہ اس میں پنجاب پولیس کا کوئی نمائندہ نہیں تھا ۔ اس سے قبل بننے والی جے آئی ٹی نے یہ سوال نہیں پوچھا تھا کہ ڈی سی او لاہور کی ٹرانسفر کیوں ضروری تھی ، میرے طیارے کے فضا میں 11 چکر کیوں لگوائے گئے اور اسلام آباد میں کیوں نہیں اترنے دیا گیا یہ سوالات اب پوچھے گئے ہیں ہمیں ۔ سانحہ ماڈل ٹائون کی تحقیقات کے لیے بنائی گئی جے آئی ٹی سے تو مطمئن ہیں لیکن جیسے ہی عدالتی فیصلے کا پتہ چلا کہ جے آئی ٹی کو کام سے روک دیا گیا ہے وطن واپس آگیا۔ وکلا ء سے مشاورت کروں گا ،اس کے بعد اگلے ایک دو روز میں تفصیلی پریس کانفرنس ہو گی ،ہم صرف انصاف چاہتے ہیں،آخری فیصلہ تو عدالت نے کرنا ہے وہ جو بھی کرے گی قبول کریں گے تا ہم سانحہ کی غیر جانبدار تفتیش ضروری ہے۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.