جعلی بینک اکاؤنٹس کیس ،احتساب عدالت نے آصف علی زرداری کو احتساب عدالت طلبی کا سمن ارسال کردیا

منگل 26 مارچ 2019 23:24

اسلام آباد (اُردو پوائنٹ اخبارتازہ ترین - این این آئی۔ 26 مارچ2019ء) احتساب عدالت نے جعلی بینک اکاؤنٹس کیس میں سابق صدر آصف علی زرداری کو احتساب عدالت طلبی کا سمن ارسال کردیا ۔ منگل کو احتساب عدالت کے جج محمد ارشد ملک نے سمن جاری کیا ۔سمن بلاول ہاؤس کلفٹن کراچی کے ایڈریس پر ارسال کیا گیا۔

(جاری ہے)

آصف علی زرداری کو 8 اپریل کی صبح 9 بجے عدالت میں پیش ہونے کا حکم دیا گیا ہے ۔سمن کے مطابق اپنے اوپر عائد الزامات کا جواب دینے کے لیے پیش ہوں ۔ آصف علی زرداری کو مقدمہ کراچی سے اسلام آباد منتقل ہونے پر طلب کیا گیا۔ یاد رہے کہ احتساب عدالت نے آصف زرداری سمیت 24 ملزمان کو طلب کر رکھا ہے ،کراچی کی بینکنگ کورٹ سے کیس احتساب عدالت اسلام آباد منتقل کیا گیا ۔